समाचार

भिडियोमा हेर्नुस – बंगलादेशका पर्यटनमन्त्रीको नेपाल आगमन र जहाज दुर्घटनाबारे विमानस्थलको पत्रकार सम्मेलन

त्रिभूवन अन्तराष्ट्रिय विमानस्थलले मंगलबार गरेको पत्रकार सम्मेलनमा नागरिक उड्डयन प्राधिकरणका महानिर्देशक सञ्जीव गौतमले अन्तराष्ट्रिय नागरिक उड्डयन संगठन (आइकाओ) को नियम अनुसार पनि विमानको ब्ल्याक बक्स, एटीसीसँगको सम्वाद र उड्डयनसम्बन्धी आँकडा सार्वजनिक गर्न नमिल्ने भएकाले छानविन गर्न लागिएको जानकारी दिए ।

गौतमले भने, ‘ककपिट र एटीसीबीचको संवाद कसले उपलब्ध गरायो र कसले किन सार्वजनिक गरे, सबै कुरा छानविन हुन्छ ।’ यसैबीच नागरिक उड्डयन कार्यालयले सोमवार यूएस बाङ्ला एअरवेज विमान दुर्घटना हुँदा ट्रफिक कन्ट्रोल कक्षमा रहेका ६ जना कर्मचारीलाई ‘ड्यूटी अफ’ गरेको छ ।

त्रिभूवन अन्तराष्ट्रिय विमानस्थलमा भएको यो दुर्घटना पछि आपतकालिन सेवा ३ मिनेट भित्रै पुग्नुपर्ने अन्तर्राष्ट्रिय मान्यता रहेपनि त्यसभन्दा चाँडै २ मिनेट भित्रै उद्दार टोली पुगेको अधिकारीहरुले दावी गरे । ‘विमानमा लागेको आगोले विमानस्थलको घाँसे क्षेत्रमा डढेलो लागेकाले आगो नियन्त्रण गर्न अलि कठिनाई भएको हो । दमकल लगायत उद्दार टोली समयमै पुगेको हो ।’ महानिर्देशक गौतमले भने ।

भिडियो हेर्नुहोस

काठमाडौं– दुर्घटनामा परेको यूएस बाङ्ला एयरवेजका चालक र एअर ट्राफिक कन्ट्रोलरबीचको संवाद सार्वजनिक भएकोमा नागरिक उड्डयन प्राधिकरण र नेपाल प्रहरीको केन्द्रीय अनुसन्धान ब्यूरोले अनुसन्धान गर्ने भएका छन् ।

ढाकाबाट काठमाडौं आएको यूएस बाङ्ला एयरवेजको विमान दुर्घटनामा चालक दलका चारै जना सदस्यसहित ४९ जनाको मृत्यु भएको छ भने २१ जना घाइते भएका छन् । घाइतेमध्ये थोरैको मात्र अवस्था गंभिर छ । उनीहरुको काठमाडौका विभिन्न अस्पतालमा उपचार भइरहेको छ । मृतकहरुको शव आफन्तलाई बुझाउन केही समय लाग्ने अधिकारीहरुले बताएका छन् । शवको पहिचान हुन समय लाग्ने र डिएनए परीक्षणपछि मृतकको शव आफन्तलाई बुझाइनेछ ।

बंगलादेशी मन्त्री काठमाडौमा बंगलादेशको जहाज काठमाडौमा दुर्घटना भएपछि त्यसको अनुसन्धान एवं निरीक्षणका लागि बंगलादेशको उच्चस्तरीय टोली काठमाडौ आएको छ ।

बंगलादेशको पर्यटन तथा नागरिक उड्डयन मन्त्री, परराष्ट्र राज्यमन्त्री, त्यहाँको नागरिक उड्डयन प्राधिकरणका महानिर्देशक र दुर्घटना अनुसन्धान ब्यूरोका प्रमुख काठमाडौ आइपुगेका छन् । नेपालको उड्डयन प्राधिकरणका अधिकारी र बंगाली अधिकारीबीच मंगलवार साँझ छलफल हुँदैछ ।

नागरिक न्युजबाट

Related Articles

Close