समाचार

प्रेम बिहे गरेको ९ वर्ष पछि ९ महिनाको छोरो छोडेर श्रीमति अर्कैसंग भागेपछि…. छोराछोरीको भयो यस्तो बिचल्ली

प्रल्हाद चन्द्र घिमिरे । अर्घखाँचीको छत्रदेवका उमलाल पाण्डे पोखरामा साइकलमा मकै बेच्ने काम गर्दै आएका छन् । विगत २ महिना देखि उनी मकै बेच्दै पोखराको सडक किनारमा हिँडिरहेका हुन्छन् । विशेष गरि उनी दैनिक जसो पोखराको लेकसाइड तिर जाने गर्छन् ।

उनको मकैको म रेगुलर ग्राहाक जस्तै हुँ । मैले उनलाई भेटेसम्म र मिलेसम्म मकै खाने गर्छु । यसैबिच एक दिन मेरा मित्र फोटो पत्रकार युनिश गुरुङले उनको फोटो कैद गर्नुभएछ । र त्यो फोटो पोखराबाट प्रकाशीत हुने समाधान राष्ट्रिय दैनिकमा छापिएछ । मैले देँखे र त्यो फोटो मोबाइलमा कैद गरेर उमलाललाई देखाएँ । सम्बन्ध त क्रेता र विक्रेताको थियो ।

उनी मकै बेच्न हिँड्थे मौका मिल्यो र मन लाग्यो भने म मकै किन्थे । उनलाई त्यो फोटो देखाएँ । उनले फोटोमा नाम उल्टो परेको सुनाए । “मैले उमलाल भनेको युनिश सरले ओमलाल सुन्नुभएछ क्यारे पत्रीकामा ओमलाल आएको रहेछ ।” उनी नाम उल्टो परेको विषयमा खासै चासो दिएनन्, फोटो देखाएपछि उनले मसंग आफ्ना कुराहरु खोल्न थाले । आफ्नो ठेगना र घर व्यवहारका कुरा खोल्न थाले । निकै लामो समय देखि हाम्रो मित्रता र म उनको निकै विश्वास पात्र जस्तो झल्लो हुनेगरी उनले आफ्ना कुराहरु राख्दै गए । म सुन्दै गए ।

९ वर्ष पहिले उमलालको बिहे भएको रहेछ । फोनबाट भेट भएर उनीहरुले प्रेम विबहा गरेका रहेछन् । ९ वर्षको अन्तरालमा उनिहरुका २ सन्तान भए । छोरी ४ वर्षकी छन् भने छोरा मात्र ९ महिनाका भएका छन् । ९ वर्षसम्म उमलालले काठ्माण्डौबाट कपडा खरिद गरेर गाउँगाउँ लगेर बेच्ने काम गर्थे तर पछिल्लो समय मकै बेच्नुमा पनि उनको बाध्यता छ । धेरै नाफा नहुने भएपनि उनि छोरीको लागि पोखरामा नै दिउसो १ बजेपछि मकै बेच्न निस्कन्छन् ।

उनले आफ्नी श्रीमती अर्कैसंग लागेको र कृष्णनगरबाट प्रहरीले पक्राउन गरेर ल्याएपछि कानुनी रुपमा छम्बन्ध विच्छेद गरेको बताएका छन् । उनले सम्बन्ध विच्छेद पछि पनि पुर्व पत्नीले आफुलाई मार्ने धम्की दिएको आरोप लगाएका छन् । कुराकानीकै क्रममा आफुले मलाई यी सबै कुरा भन्नुको अर्थ पनि खोले । सर मलाई अरु केहि चाहीएको छैन । मेरा छोराछोरीलाई कुनै संस्थामा लगेर राम्रो शिक्षा दिन पाए म पनि खुलेर व्यापार गर्न पाउथे ।

उनले भने – “सानी छोरीलाई घरमा एक्लै छोडेर आउदा मकै पोलीरहेको भएपनि मन त कहाँ यहा हुन्छ र के गरी कसो गरि भन्ने लाग्छ नी सर ।” उनले आफ्ना कुरा राखीसकेपछि कसैले संस्थामा मेरा बालबालीका राखिदिनपनि अनुरोध गरे । पछिल्लो समय सामाजीक सञ्जालबाट भैरहेको विक्रितिको यो एउटा उदाहरण हो । यसले हाम्रो समाज कता गईरहेको छ भन्ने प्रष्ट देख्न सकिन्छ ।

Related Articles

Close