समाचार

राजीनामा दिने तयारीमा प्रधानमन्त्री ओली, आफुनिकट सबै नेताहरुलाई बालुवाटार बोलाए

काठमाडाैं । स्थायी समित सदस्यहरूले दुवै पदबाट राजीनामा मागेपछि प्रधानमन्त्री तथा नेपाल कम्युनिस्ट पार्टी(नेकपा)का अध्यक्ष केपी ओली तनावमा परेका छन् । उनले आफू निकट स्थायी कमिटी सदस्य तथा मन्त्रीहरूलाई छलफलका लागि बालुवाटार बोलाएका छन्। ओलीले उनीहरूसँग ८ बजे जारी स्थायी समिति वैठकका विषयमा छलफल गर्ने जानकारी श्रोतले दिएको छ।

नेकपाको मंगलबार बसेको स्थायी नेकपा स्थायी समिति बैठकमा बोल्ने अधिकाशं नेताहरूले प्रधानमन्त्री तथा पार्टी अध्यक्ष केपी शर्मा ओलीको राजीनामा मागेका थिए। आज ११ बजे स्थायी समितिको वैठक बस्दै छ। ओलीले वैठकमा आफ्नो रणनीति र कसरी प्रस्तुत हुने भन्ने विषयमा सल्लाह गर्न लागेको श्रोतको दाबी छ।

मन्त्री तथा स्थायी समिति सदस्यसँगै ओली निकट गण्डकी प्रदेशका मुख्यमन्त्री पृथ्वी सुब्बा गुरूङ र प्रदेश पाँचका मुख्यमन्त्री शंकर पोखरेललाई पनि छलफलका लागि बोलाइएका छन्। मंगलबारको स्थायी समिति वैठकमा बोलेका १८ मध्ये १७ जना सदस्यले ओली पार्टी अध्यक्ष तथा प्रधानमन्त्री दुबै पदबाट राजीनामा दिनुपर्ने माग गरेका थिए।

ओलीले तत्कालै राजीनामा दिनसक्ने नेकपाका एक नेताले संचारकेन्द्रलाई बताए । ‘राजीनामा दिने कि नदिने भन्ने बिषयमा छलफल गर्न आफुनिकट सबै नेताहरुलाई उहाँले आफ्नो सरकारी निवासमा बोलाउनु भएको छ ।’ ति नेताले भने -‘दुवै पदबाट त भन्न सकिन्न प्रधानमन्त्री या पार्टी अध्यक्षमध्ये एक पद छोड्नसक्ने सम्भावना छ ।’

Related Articles

Back to top button
Close