समाचार

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

काठमाडौं- राजनीति कतिसम्म क्रूर हुन्छ ? आफ्नै सहपाठी योद्धाको राजनीतिक भविष्य कसरी एकैपटकमै सिध्याउने भन्ने उदाहरण हेर्न अन्त कतै जानु पर्दैन, सत्तारुढ नेकपामा हेरे पुग्छ ।

अर्को गुटबाट आएर आफूभन्दा शक्तिशाली बनेको भन्दै प्रदेश ५ का मुख्यमन्त्री शंकर पोखरेलले पार्टी महासचिव विष्णु पौडेलको राजनीतिक भविष्य नै दाउमा राखिदिएका छन् ।

अघिल्लो शेरबहादुर देउवा सरकारले सात प्रदेशको अस्थायी राजधानी जहाँ जहाँ तोकेको थियो, त्यहीँ त्यहीँ कायम छ । तर, प्रदेश ५ को हकमा भने त्यो भएन ।

प्रधानमन्त्री केपी ओलीका विश्वासपात्रमध्ये एक शंकर पोखरेललाई विष्णु पौडेल आफूभन्दा बढी शक्तिशाली र पार्टीमा हालीमुहाली भएको देखिसहेका थिएनन् ।

पौडेल पहिले झलनाथ खनाल गुटमा थिए । उनी पौडेलको राजनीति सिध्याउने उपयुक्त मौका पर्खिरहेका थिए । यही बेला उपयुक्त हुने ठानेर गत बुधबार साँझ उनी प्रधानमन्त्री निवास बालुवाटार पुगे ।

बालुवाटारमा उनले पार्टीका अध्यक्षद्वय केपी ओली र पुष्पकमल दाहाल प्रचण्डलाई दाङको भालुवाङ प्रदेशको स्थायी राजधानी बनाउन सहमत गराए ।

तर उनले पार्टी महासचिव पौडेलसँग कुनै छलफल गरेनन् । त्यसपछि प्रदेश मन्त्रिपरिषद्को बैठक राखेर स्थायी राजधानी र प्रदेशको नामाकरणको निर्णय गराए ।

जबकि पौडेलको घर बुटवल नै हो । उनले अहिलेसम्म त्यहीँबाट चुनाव जित्दै आएका छन् । यसअघिको चुनावमा पनि उनले प्रदेशको स्थायी राजधानी बुटवललाई नै बनाउने बाचा गरेका थिए ।

शंकर पोखरेलले पौडेललाई मनाउने जिम्मा अध्यक्षद्वयको भन्दैैैैैैैैैैैैैैैैैै बाहिरिएका थिए । स्रोतका अनुसार पौडेललाई अर्थमन्त्री बनाए उनी चुपचाप हुन्छन् भन्ने ओली र प्रचण्डले प्रस्ताव पठाएका थिए ।

यो राजधानी सार्ने विषयले पौडेलको राजनीतिक भविष्य भने समाप्त हुने देखिएको छ ।

Related Articles

Back to top button
Close