समाचार

दशैं काल बनेर आयो समीक्षाको ! परिवारमा चल्यो रुवाबासी

बिराटनगर । मोरङको बेलबारीमा स्कुटर दुर्घटनामा हुँदा एक युवतीले ज्यान गुमाएकी छिन् । भर्खरका तीन जना युवती सवार भएर गै रहेको अवस्थामा उक्त स्कूटर दुर्घटना भएको बताइको छ । ज्यान जाने र घाइने तीन जना युवतीहरु २० बर्ष मुनिका छन् ।

प्रहरीका अनुसार सवार तीन मध्ये, दुई युवती घाइते छन् भने एक युवतीको ज्यान गएको छ । बेलबारी नगरपालिका–४ मा बुधबार राति भएको दुर्घटनामा चालक १९ वर्षीया समीक्षा राईको ज्यान गएको हो ।

दुर्घटनामा परी गम्भीर घाइते उनको उपचारका क्रममा विराटनगरको न्युरो अस्पतालमा आज बिहान १ बजेतिर ज्यान गएको इलाका प्रहरी कार्यालय बेलबारीले जनाएको छ । को ३२ प ५६३७ नम्बरको स्कुटर आफैँ अनियन्त्रित भई दुर्घटना भएको प्रहरीले जनाएको छ ।

दुर्घटनामा स्कुटरको पछाडि बसेका १८ वर्षीया अनुपमा राई र १६ वर्षीया सुमित्रा राई घाइते भएका छन् । अनुपमाको विराटनगरको नोबेल मेडिकल कलेज र सुमित्राको स्थानीय सुकुना सामुदायिक अस्पताल विराटचोकमा उपचार भइरहेको प्रहरीले जनाएको छ ।

Related Articles

Back to top button
Close