समाचार

तिमी दुईको यो क्षणले मेरो जिन्दगी हल्लाइदियो ! यहाँ जिन्दगीको कति गहिरो आभाष छ म शब्दमा लेख्नै नसक्ने भएको छु ! : प्रेम बानिया

तिमी दुईको यो क्षणले मेरो जिन्दगी हल्लाइदियो ! यहाँ जिन्दगीको कति गहिरो आभाष छ म शब्दमा लेख्नै नसक्ने भएको छु ! : प्रेम बानिया

प्रिय साथी दीपक र आयशा,
तिमी दुईको यो क्षणले मेरो जिन्दगी हल्लाइदियो ! यहाँ जिन्दगीको कति गहिरो आभाष छ म शब्दमा लेख्नै नसक्ने भएको छु ! कति अग्लो विश्वास, प्रेम र चुनौतिको सगरमाथा आरोहण गर्यौं तिमीहरुले ! जिन्दगी यस्तै कारण सुन्दर छ साथी…. ! मलाई थाहा छ, तिमी दुईको जीवनकथा, पारिवारिक स्वीकारोक्ति र अस्विकारोक्तिहरु …. समाज र देशको आशा अनि प्रतीक्षाहरु ! ती सबलाई दर्शक बनाएर जिन्दगीमा यस्तरी नै बाँचिरहनू, सन्तानलाई पनि यो इतिहास सम्झाईराख्नू कि जिन्दगी कठिन भइकन आरोहण गर्न गर्व लाग्ने कति अग्लो हिमाल हो भनेर !

आयशा, दीपकलाई अंगालो मारेर झारेको तिम्रो गर्वको आँसुले नेपाल आमा, अनि आफ्नै आमाहरुलाई भक्कानो छुटाएको हुनुपर्छ जीवन र देशको गहिराईमा पुर्याएर ! तिमीले देशका लागि जित्यो र जिन्दगी पनि जित्यौ !

एउटा अनलाइन खबर र अर्को विभिन्न पोष्टहरुमा फेसवुकमा भेटेको तस्वीरहरु हुन् यिनीहरु ! खिच्नेहरुलाई सलाम् र जस्ले खिचेको भएपनि जीवनको सवभन्दा गहिरो कथा लेखिएका तस्वीरहरु हुन् यिनीहरु ।

तस्वीरवाचित कथाले जीवन नै हल्लाइदियो र यति लेख्न मन लाग्यो । दुवैलाई जिन्दगीको सुन्दर शुभकामना र हामीलाई बधाई देशका नाममा एउटा परिवारले दिएको युगौंयुग बाँच्ने गर्वका लागि ! बधाई

Related Articles

Close