समाचार

उदयपुरमा फेरि ८ जनामा कोरोना पोजेटिभ , थप परीक्षणका लागि धरान पठाइयो

काठमाडौँ, ९ वैशाख । उदयुपरमा फेरि एकैपटक ८ जनामा कोरोना भाइरस अर्थात् काेभिड-१९ संक्रमण भएको शंकास्पद नतिजा देखिएको छ । उदयपुरको त्रियुगा नगरपालिका वडा नं ३ भुल्केका ८ जनामा कोरोना भाइरस पोजेटिभ देखिएको विराटनगरस्थित कोशी प्रादेशिक अस्पतालले जनाएको छ ।

कोशी प्रादेशिक अस्पतालको प्रयोगशालामा पीसीआर विधिबाट परीक्षण गर्दा उनीहरुमा कोरोना भाइरस पोजेटिभ देखिएको तर थप परीक्षणबाट पुष्टि गर्नका लागि ती नमूनाहरू धरानको बीपी कोइराला स्वास्थ्य विज्ञान प्रतिष्ठानमा पठाइएको छ ।

‘अवस्थ गम्भीर देखियो, केहीको पीसीआर परीक्षण पनि पोजेटिभ देखिएको छ, स्वास्थ्य मन्त्रालयका एक अधिकारीले न्यूज २४ लाई बताए, ‘पहिला १२ जनामा एकै पटक देखिँदा पनि यस्तै अवस्था आएको थियो ।’

अवस्था गम्भीर भएकाले प्रभावित क्षेत्रमा सेनालाई सक्रिय बनाएर थपको परीक्षण गरिने तयारी सरकारले गरेको पनि मन्त्रालयका ती अधिकारीले न्यूज २४ लाई बताए । आज थप देखिएका आशंकितमा पुष्टि भए भुल्केको ठूलो क्षेत्रमा परीक्षण गर्नुपर्ने अवस्था आउने पनि नाम उल्लेख नगर्ने शर्तमा ती अधिकारीले बताए ।

यसअघि ५ वैशाख गते पनि उदयपुरको भुल्केमै रहेको एक मस्जिदमा १२ जनामा कोरोना भाइरस पोजेटिभ देखिएको थियो । त्यहाँ भारतबाट आएका भारतीयसँगै नेपाली गरी १६ जना बसेकोमा १२ जनामा पोजेटिभ देखिएको थियो ।

Related Articles

Back to top button
Close