स्वास्थ्य/ जिबनशैली

बेलायतमा पहिलोपटक कोरोना भाइरसको भ्याक्सिन भोलिदेखि मानवमा परीक्षण

काठमाडौं, १० बैशाख । बेलायतमा पहिलोपटक प्रयोगात्मक कोरोना भाइरसको भ्याक्सिन मानवमा परीक्षण गर्न स्वयमसेवकहरुमा भोलि बिहीबारबाट सुरू गरिने बेलायती सरकारले खुलासा गरेको छ ।

बेलायतका स्वास्थ्य सचिव म्याट ह्यान्ककले अक्सफोर्ड यूनिभर्सिटीले विकास गरेको उक्त भ्याक्सिन दुई दिनमा परीक्षण हुने बताएका छन् । उनले क्लिनिकल परीक्षणका लागि २० मिलियन यूरोको र २२.५ मिलियन यूरो भ्याक्सिन अनुसन्धान गर्न लण्डनको इम्पेरियल कलेजका लागि वृद्धि गर्ने घोषणा गरेका छन् ।

डाउनिङ स्ट्रिटको पत्रकार सम्मेलनमा ह्यान्ककले भनेका छन्, “अक्सर्फोडले विकास गरेको भ्याक्सिन विहीबार मान्छेमा परीक्षण गरिनेछ ।” उनले अघि थपे “यस चरणमा पुग्न धेरै वर्ष लाग्नेछ र म अहिले सम्म गरिएको काममा गर्व गर्दछु।”

उत्पादन क्षमतामा लगानी गर्ने र यदि यी कुनै पनि खोपहरू सुरक्षित रूपमा काम गरेमा उक्त भ्याक्सिनलाई ब्रिटिश जनताका लागि जतिसक्दो चाँडो मानवीय रूपमा उपलब्ध गराउन सक्ने उनले बताए ।

खोप खोज्ने प्रक्रियाले परीक्षणमा त्रुटिू आए पनि खोजीको नेतृत्व निरन्तर गरिरहनुको साथै ढाँचामा फर्काइने ह्यान्ककले बताएका छन् ।

ह्यान्ककले भ्याक्सिन विकास सफल पार्नका लागि बेलायतका वैज्ञानिकहरुलाई आवश्यक पर्ने सबै स्रोत उब्लब्ध गराउने जनाए ।

Related Articles

Back to top button
Close