આ પણ વાંચો ટ્રેન્ડિંગ સમાચાર
– પોલીસે 6 રીઢા તસ્કરોને જેલભેગા કર્યા
– પાણીની મોટર, વાહનોની બેટરી અને લોખંડના સળિયા સહિત 1.08 લાખનો મુદ્દામાલ જપ્ત
વિરમગામ : વિરમગામ શહેર અને આસપાસના વિસ્તારોમાં ખેતીની મોટરો, બેટરી અને કન્સ્ટ્રક્શન સાઈટ પરથી લોખંડના સળિયાની ચોરી કરતી ટોળકીને વિરમગામ ટાઉન પોલીસે ઝડપી પાડી છે.
પોલીસને બાતમી મળી હતી કે પ્રકાશ ઠાકોર નામનો શખ્સ ચોરીની મોટર સાથે પસાર થવાનો છે. વોચ દરમિયાન તેને પકડી પૂછપરછ કરતા તેણે સધી માતાના મંદિર પાસેથી મોટર ચોરી હોવાની કબૂલાત કરી હતી.
તપાસ દરમિયાન પોલીસે તેના અન્ય સાગરીતો રાહુલ ઉર્ફે ભાણો, સાહિલ ઉર્ફે નાનુ, પ્રભુ ઠાકોર, રાહુલ દંતાણી અને ચોરીનો માલ રાખનાર કિરણ દેવીપૂજકને પણ ઝડપી લીધા હતા. પોલીસે આરોપીઓ પાસેથી રૂ.૧૯,૫૦૦ની બેટરીઓ, રૂ.૨૮,૫૦૦ની મોટરો, રૂ.૧૦,૦૦૦ના સળિયા અને રૂ.૫૦,૦૦૦નું મોટરસાયકલ મળી કુલ રૂ.૧,૦૮,૦૦૦નો મુદ્દામાલ કબજે કરી કાર્યવાહી હાથ ધરી છે.
