આ પણ વાંચો ટ્રેન્ડિંગ સમાચાર
– તાકીદે જરૂરી સાધનો અને ડોકટરોની નિમણુંક કરવાની માગ
– હાર્ટ એટેક સહિતના દર્દીઓને વિરમગામ, અમદાવાદ અને સુરેન્દ્રનગર રિફર કરવાની નોબત
પાટડી : સાડા તાલુકાના મુખ્ય મથક પાટડી ખાતે સબ ડિસ્ટ્રિક્ટ હોસ્પિટલ તરીકે મંજૂર કરાઈ છે. જેમાં વિવિધ ખાલી જગ્યા પર ડોક્ટરોની નિમણૂક કરવામા આવી છે અને સુવિધામાં પણ વધારો થયો છે. પરંતુ હૃ ય સંબંધી સમસ્યાઓ માટે પાટડી ખાતે આવેલા સબ ડિસ્ટ્રિક્ટ હોસ્પિટલમાં આજે પણ સુવિધાઓનો અભાવ હોવાથી સ્ત્રીઓને હાલાકી ભોગવવાનો વારો આવી રહ્યો છે અને ન છુટકે બહારગામ સારવાર લેવા જવું પડે છે.
પાટડી ખાતે આવેલ સબ ડિસ્ટ્રિક્ટ હોસ્પિટલમાં અગાઉ ડોકટરોની ખાલી જગ્યાઓ હોવાથી દર્દીઓને મુશ્કેલીનો સામનો કરવાનો વારો આવી રહ્યો હતો. જે અંગે અનેક વખત રજૂઆતો બાદ સરકાર દ્વારા ખાલી જગ્યાઓ પર ડોકટરોની નિમણૂંક કરવામાં આવી છે. પરંતુ હજુ પણ આ હોસ્પિટલમાં હૃદય સંબંધી તકલીફો માટે દર્દીઓને હાલાકી પડી રહી છે. તેના માટે સારવાર અર્થે વિરમગામ, અમદાવાદ અને સુરેન્દ્રનગર હોસ્પિટલ ખસેડવામાં આવે છે. જેનુ અંતર અંદાજે ૩૦થી ૧૦૦ કિલોમીટર સુધી હોવાથી દર્દીને સારવાર મળે તે પહેલા જ જીવ ગુમાવવાનો વારો છે. આ પ્રકારે દર્દીઓના મૃત્યુ થવાના કિસ્સાઓમાં સતત વધારો નોંધાઈ રહ્યો છે.
જેમાં પાટડી સરકારી હોસ્પિટલના એમ્બ્યુલન્સ ચાલક મહેશભાઈનું પણ હાર્ટ એટેકના કારણે વહેલી અને સમયસર સારવાર નહી મળતા મોત નીપજ્યું હતુ. પાટડી સરકારી હોસ્પિટલ ખાતે હાર્ટ એટેક માટે તાત્કાલિક સારવાર ન મળવાના કારણે અનેક લોકો જીવ ગુમાવી રહ્યા છે. આથી હોસ્પિટલ નવી બને તે પહેલા હાર્ટ એટેકની સારવાર માટેના જરૂરી સાધનો અને ડોક્ટરની નિમણૂંક કરવામાં આવે તેવી લોક માંગ ઉઠવા પામી છે.
