આ પણ વાંચો ટ્રેન્ડિંગ સમાચાર
વડોદરાઃ વાઘોડિયા જીઆઇડીસી વિસ્તારમાં ફેક્ટરી ધરાવતા એક સંચાલકને બિઝનેસ લોન અપાવવાના નામે ઠગાઇ થતાં તેમણે અકોટા પોલીસ સ્ટેશનમાં ફરિયાદ નોંધાવી છે.
ન્યુ અલકાપુરી ખાતે યુથોપિયન કોર્નર ખાતે રહેતા અને વાઘોડિયા જીઆઇડીસી ખાતે ફેક્ટરી ધરાવતા યશુ જિન્દાલે પોલીસને કહ્યંુ છે કે,મારે કંપની માટે લોનની જરૃરિયાત હોવાથી નવેમ્બર-૨૦૨૪માં પીજી ફિનસર્વ પ્રા.લિ.ના નામે વનિતાબેનનો ફોન આવ્યો હતો અને લોન માટે વાતચીત કરી હતી.
ત્યારબાદ જેતલપુરરોડ પર અનુપમ સોસાયટી ખાતે ગ્લેશિયર કોમ્પ્લેક્સ ખાતે હું મળવા ગયો હતો.મારે ડાયરેક્ટર ભાવના ગજાનંદ ભટ્ટ અને વેરિફિકેશન કર્મચારી શ્રેયસ ઉર્ફે સાહિલ મીઠા સાથે પરિચય થયો હતો અને રૃ.૬.૨૫કરોડની લોન અપાવવાની વાત થઇ હતી.જે પેટે પ્રોસેસિંગ અને વેરિફિકેશન જેવા ખર્ચ પેટે મેં કંપનીના એકાઉન્ટ ઉપરાંત જગદીશ સોનીને કુલ રૃ.૧૨.૦૮લાખ ચૂકવ્યા હતા.પરંતુ ત્યારબાદ મને લોન મળી નહતી.જેથી પોલીસે ગુનો નોંધ્યો છે.
