આ પણ વાંચો ટ્રેન્ડિંગ સમાચાર
Gas Shortage in Surat: મિડલ ઈસ્ટમાં વધતા યુદ્ધના તણાવની અસર હવે સુરત શહેરમાં પણ દેખાવા લાગી છે. રાંધણ ગેસના પુરવઠા પર અસર પડતાં શહેરમાં વસતા હજારો પરપ્રાંતીય શ્રમિકો માટે રોજિંદુ જીવન મુશ્કેલ બની ગયું છે. ગેસ સિલિન્ડરની અછતને કારણે રસોઈ બનાવવી પણ મુશ્કેલ બની ગઈ છે, જેના કારણે અનેક શ્રમિકોએ અંતે વતનની વાટ પકડી છે.
કાળાબજારના ભાવ ચૂકવી શકાય તેમ નથી
સુરત જેવા કોસ્મોપોલિટન શહેરની વિવિધ ઉદ્યોગોની કરોડરજ્જુ પર પરપ્રાંતીય શ્રમિકોનો જ આધાર છે. ઉત્તર પ્રદેશ, બિહાર, ઓડિશા અને પશ્ચિમ બંગાળ સહિતના રાજ્યોમાંથી આવેલા આ શ્રમિકો શહેરના ટેક્સટાઇલ, બાંધકામ સહિતના ઉદ્યોગોમાં મહેનત કરે છે. પરંતુ છેલ્લા પંદર દિવસથી ગેસની ગંભીર અછત સર્જાતા તેમની પરિસ્થિતિ કટોકટીભરી બની ગઈ છે.
સામાન્ય રીતે આ શ્રમિકોને લગભગ 1200 રૂપિયામાં મળતો ગેસ સિલિન્ડર હવે કાળાબજારમાં ચારથી પાંચ ગણા ભાવે વેચાઈ રહ્યો છે. કેટલાક સ્થળોએ 2500 રૂપિયા ચૂકવ્યા બાદ પણ સિલિન્ડર મળતો નથી. આવક મર્યાદિત હોવાને કારણે શ્રમિકો માટે આ ખર્ચ સહન કરવો મુશ્કેલ બની ગયો છે. આ સ્થિતિમાં છેલ્લા બે દિવસથી સુરત રેલવે સ્ટેશન અને ઉધના રેલવે સ્ટેશન પર વતન જતાં શ્રમિકોની ભીડ જોવા મળી રહી છે.
