આ પણ વાંચો ટ્રેન્ડિંગ સમાચાર
અમદાવાદ, સોમવાર
એરપોર્ટ વિસ્તારમાં મહિલના પરિવાર સાથેના ફોટા અલગ અલગ વોટ્સએપ ગૃ્રપમાં મૂકીને આ પરિવાર ફ્રોડ છે તેઓને શોધી આપનારને રૃા. ૨ લાખનું ઇનામ મળશે તેવું લખાણ લખીને બદનામ કરવાનો પ્રયાસ કરાયો હતો. જેમાં મહિલાના દિયરને ધંધામાં નુકસાન થતાં દેવુ થયું હતું, જે તેે વેપારીઓએ દિયર અને મહિલાના પતિ સામે પોલીસ કેસ કરતા બન્ને સેન્ટ્રલ જેલમાં સજા ભોગવી રહ્યા હતા. આ બનાવ અંગે એરપોર્ટ પોલીસે ગુનો નોંધી વધુ તપાસ હાથ ધરી છે.
દિયરને દેવુ થતાં મહિલાના પતિને પણ સામે પણ ગુનો નોંધાયો હતો ઃ ફોટા સાથે મેસેજ વાયરલ થતાં એરપોર્ટ પોલીસે ગુનો નોંધ્યો
ભાટ ગામમાં રહેતી ૩૨ વર્ષની મહિલાએ એરપોર્ટ પોલીસ સ્ટેશનમાં તાજ હોટેલ પાછળ રહેતા આરોપી સામે ફરિયાદ નોંધાવી છે કે મહિલાના દિયરને કપડાના ધંધામાં નુકસાન થતા દેવું વધી જતાં વેપારીઓને રૃપિયા ચૂકવી શક્યા ન હતા. જેથી દિયર અને મહિલાના પતિ સામે વેપારીઓએ છેતરપિંડીની ફરિયાદ કરતાં મહિલાના પતિ અને દિયરને પોલીસ પકડીને બન્ને સેન્ટ્રલ જેલ ખાતે મોકલી આપ્યા હતા.
ચાર મહિના પહેલા તે અંગે વાત કરવા નણંદ મહિલાના ઘરે આવી હતી. ત્યારે નણંદે જણાવ્યું કે આરોપીએ તમારા અને તમારા પતિ સહિત પરિવારના ફોટા વોટ્સએપ ગૃ્રપમાં વાઇરલ કર્યા છે. જેમાં ફોટા વાઇરલ કરીને લખ્યુ હતું કે આ પરિવાર ફ્રોડ છે આ પરિવારની શોધખોળ કરશે તેને બે લાખનું ઇનામ આપવામાં આવશે તેમ લખીને અલગ અલગ વોટ્સએપ ગૃ્રપમાં વાઇરલ કરીને બદનામ કરવા પ્રયત્ન કર્યો હતો.
