આ પણ વાંચો ટ્રેન્ડિંગ સમાચાર
Today Sensex And Nifty 50 : ભારતીય શેર માર્કેટમાં આજે 17 માર્ચે સતત બીજા દિવસે તેજી જોવા મલી છે. ટ્રેડિંગ દરમિયાન સેન્સેક્સમાં 700 પોઈન્ટથી વધુનો ઉછાળો જોવા મળ્યો છે, જ્યારે નિફ્ટી ફરી 23,600 પોઈન્ટને સ્પર્શ્યા બાદ 23,581.15 પોઈન્ટ પર બંધ થયો છે. વૈશ્વિક માર્કેટમાં મજબૂતીના સંકેતો સામે આવ્યા બાદ અને રોકાણકારોએ નીચલા સ્તરે ખરીદી કરતા સેન્સેક્સ અને નિફ્ટીમાં તેજી જોવા મળી છે.
નવા સપ્તાહમાં સેન્સેક્સમાં 1500થી વધુ પોઈન્ટનો વધારો
ગત સપ્તાહના છેલ્લા દિવસે એટલે કે, શુક્રવારના રોજ સેન્સેક્સ 74,563.92 પોઈન્ટ બંધ થયો હતો. ત્યારબાદ સોમવારે 75,502.85 પોઈન્ટ અને મંગળવારે 76,070.84 પોઈન્ટ બંધ થયો છે. એટલે કે નવા સપ્તાહમાં સેન્સેક્સમાં 1,506.88 પોઈન્ટનો વધારો થયો છે. આજની વાત કરીએ તો સેન્સેક્સ 567.99 (0.75%)નો વધારો થઈને 76,070.84 પર બંધ થયો છે.
નિફ્ટીમાં 172.35 પોઈન્ટનો વધારો
નિફ્ટીની વાત કરીએ તો આજે તેમાં 172.35 (0.74%)નો વધારો થયા બાદ નિફ્ટી 23,581.15 પર બંધ થયો છે. સેન્સેક્સ અને નિફ્ટીમાં વધારો થવાના પાછળ કેટલાક કારણો જવાબદાર છે, જેમાં નીચલા સ્તરે ખરીદીમાં વધારો થવો, વૈશ્વિક માર્કેટમાં સકારાત્મક સંકેત, વોલિટિલિટીમાં ઘટડા અને ડૉલર સામે રૂપિયે સામાન્ય મજબૂત જેવા પાસાઓ સામેલ છે.
આ પણ વાંચો : ઈરાન નેતૃત્વ વિહોણું? ખામેનેઈ બાદ નંબર-2 નેતા અલી લારિજાનીનું પણ મોત: ઈઝરાયલનો દાવો
સેન્સેક્સ અને નિફ્ટીમાં વધારો થવાના ચાર કારણો
1… વેલ્યુ બાયિંગનો મળ્યો ટેકો : શેરબજારમાં આજે સતત બીજા દિવસે વેલ્યુ બાયિંગ એટલે કે નીચલા સ્તરે ખરીદી જોવા મળી હતી. તાજેતરના ઘટાડા બાદ રોકાણકારોએ ઓટો, મેટલ અને રિયલ્ટી સેક્ટરના શેરોમાં ખરીદી કરી હતી, જેનાથી બજારને મજબૂતી મળી હતી.
2… મજબૂત ગ્લોબલ સંકેતો : વૈશ્વિક બજારોમાંથી પણ સકારાત્મક સંકેતો મળ્યા હતા. સવારના કારોબારમાં એશિયન બજારોમાં જાપાનનો નિક્કી ૨૨૫ (Nikkei 225) લગભગ 0.4 ટકા ઉછળ્યો હતો. બીજી તરફ, દક્ષિણ કોરિયાનો કોસ્પી (KOSPI) ઈન્ડેક્સ 2.4 ટકાના મજબૂત વધારા સાથે ટ્રેડ થતો જોવા મળ્યો હતો. અમેરિકી બજારો પણ ગત રાત્રે સારા વધારા સાથે બંધ થયા હતા. S&P 500 ઈન્ડેક્સ 1 ટકાથી વધુ વધ્યો હતો, જ્યારે નેસ્ડેક (Nasdaq) 1.2 ટકા સુધી ચઢ્યો હતો. ટેકનોલોજી અને આર્ટિફિશિયલ ઈન્ટેલિજન્સ સંબંધિત શેરોમાં ખરીદીએ બજારને ટેકો આપ્યો હતો.
3… વોલેટિલિટીમાં ઘટાડો : શેરબજારના રોકાણકારોમાં ગભરાટનો સંકેત આપતો વોલેટિલિટી ઈન્ડેક્સ, ઈન્ડિયા VIX લગભગ 6 ટકા ઘટીને 20.32 ના સ્તર પર આવી ગયો છે. આ સૂચવે છે કે રોકાણકારોમાં અનિશ્ચિતતા થોડી ઓછી થઈ છે અને જોખમ લેવાની ક્ષમતા વધી છે.
4… રૂપિયામાં મજબૂતી : ડોલર સામે ભારતીય રૂપિયામાં નજીવી મજબૂતી પણ બજાર માટે હકારાત્મક રહી હતી. રૂપિયો પ્રતિ ડોલર 92.39 પર ખૂલ્યો હતો, જે અગાઉના 92.42ના બંધ સ્તર સામે થોડો મજબૂત છે. ડોલરમાં હળવી નબળાઈને કારણે વિદેશી રોકાણકારોના સેન્ટિમેન્ટમાં પણ સુધારો જોવા મળ્યો હતો.
