આ પણ વાંચો ટ્રેન્ડિંગ સમાચાર
(પીટીઆઇ) નવી દિલ્હી, તા. ૨૫
દિલ્હી પોલીસે અનેક આંતર રાજ્ય સાયબર ક્રાઇમ સિન્ડિકેટ્સથી
જોડાયેલા છ શંકાસ્પદોની ધરપકડ કરી છે. આ શંકાસ્પદો પર કથિત રીતે ડિજિટલ એરેસ્ટ, નકલી આઇપીઓ અને
ટ્રેડિંગ કૌભાંડોમાં સામેલ હોવાનો આરોપ મૂકવામાં આવ્યો છે.
એક અધિકારીએ જણાવ્યું હતું કે આ કાર્યવાહીથી ૮૯ ફરિયાદોથી
જોડાયેલ લગભગ ૧૦.૬ કરોડ રૃપિયાની ઉચાપતનો પર્દાફાશ થયો છે.
તેમણે જણાવ્યું હતું કે આરોપીઓની ઝારખંડ, ઉત્તરાખંડ, મધ્ય પ્રદેશ, રાજસ્થાન, દિલ્હી અને ઉત્તર
પ્રદેશમાં અનેક જગ્યાઓએ દરોડા પાડવામાં આવ્યા પછી ધરપકડ કરવામાં આવી છે.
પોલીસે જણાવ્યું હતું કે આરોપી ઓછામાં ઓછા ચાર સાયબર
છેતરપિંડી કેસોમાં સંડોવાયેલા છે. જેમાં મુખ્ય સ્વરૃપે નિર્દોષ નાગરિકો ખાસ કરીને
વૃદ્ધોને ઓનલાઇન કૌભાંડો દ્વારા નિશાન બનાવવામાં આવ્યા હતાં.
ડિજિટલ એરેસ્ટ કૌભાંડથી જોડાયેલા એક કેસમાં એક વૃદ્ધ દંપતિ
સાથે ૨૦ લાખ રૃપિયાની છેતરપિંડી આચરવામાં આવી હતી.
સાયબર છેતરપિંડી કરનારાઓએ ટ્રાઇ અને સીબીઆઇ અધિકારી બનીને પીડિતોને નકલી વોરન્ટ અને ધરપકડની ધમકી આપીને એક હપ્તા સુધી
માનસિક દબાણ બનાવીને નાણાં પડાવ્યા હતાં.
તપાસ દરમિયાન ૧૮.૫ લાખ રૃપિયા એક બેંક ખાતામાં મળી આવ્યા
હતાં. જે આરોપી શશિકાંત કુમાર દ્વારા ચલાવવામાં આવતી એક સંસ્થા સાથે જોડાયેલા
હતાં.
શશિકાંત કુમારની રાંચીથી ધરપકડ કરવામાં આવી હતી. પોલીસે
જણાવ્યું હતું કે કોર્ટનાં આદેશ દ્વારા ફરિયાદકર્તાને લગભગ ૧૧ લાખ રૃપિયા પરત
આપવામાં આવ્યા છે.
