આ પણ વાંચો ટ્રેન્ડિંગ સમાચાર
Barcode Marksheet Board Exam: ગુજરાત શિક્ષણ બોર્ડ દ્વારા ધોરણ 10 અને 12ના વિદ્યાર્થીઓને અપાતી માર્કશીટમાં આગામી 2027થી મોટો ફેરફાર કરાશે. હાલ વિદ્યાર્થીઓને જે માર્કશીટ અપાય છે તેમાં બારકોડ નથી હોતો. જેથી ડિજિટલ વેરિફિકેશનમાં મુશ્કેલી પડતી હોય છે. પરંતુ હવે 2027ની બોર્ડ પરીક્ષાથી વિદ્યાર્થીઓને ધોરણ 10-12ની માર્કશીટ બારકોડ સાથેની અપાશે. જેમાં નીચેની બાજુએ અલગથી બારકોડ મુકાશે. જે સ્કેન કરીને વિદ્યાર્થી ડિજિટલ કોપી પણ રાખી શકશે અને વેરિફિકેશનમાં પણ સરળતા રહેશે.
ગુજરાત બોર્ડ પણ ડિજિટલ બને તેવી માગ
ગુજરાત શિક્ષણ બોર્ડ દ્વારા દર વર્ષે ધોરણ 10 અને 12ના 15 લાખથી વધુ વિદ્યાર્થીઓની પરીક્ષા લેવાય છે અને આ લાખો વિદ્યાર્થીઓને અપાતી માર્કશીટમાં છેલ્લા 21 વર્ષથી કોઈ અપડેટેશન ન કરાયું હોય કે ડિજિટલાઇઝેશન ન થયું હોય અને ફોર્મેટ ન બદલાયું હોવાની ફરિયાદ ઊઠી છે. કોંગ્રેસના પ્રવક્તા હેમાંગ રાવલે ફરિયાદ કરતા કહ્યું કે ગુજરાત શિક્ષણ બોર્ડની માર્કશીટ આજે પણ દાયકાઓ જૂના ફોર્મેટમાં જ અપાય છે. અન્ય રાજ્યો અને સીબીએસઈ બોર્ડ દ્વારા ક્યુઆર કોડ, ડિજિટલ સિગ્નેચર સાથેની માર્કશીટ અપાય છે અને ડિજિલોકરમાં પણ પરિણામ સાથે જ માર્કશીટનો ડેટા મુકાતો હોવાથી વિદ્યાર્થીને ડિજિલોકરમાંથી પણ માર્કશીટ મળે છે.
આ પણ વાંચો: પુરુષો કરતા મહિલાઓનું ડ્રાઈવિંગ ચઢિયાતું! કારના ટ્રેક ટેસ્ટમાં પાસ થવાનું પ્રમાણ વધારે
માર્કશીટનું ફોર્મેટ બદલાશે
ગુજરાત બોર્ડ દ્વારા આવી કોઈ વ્યવસ્થા કરાતી નથી. કર્ણાટક બોર્ડ દ્વારા બ્લોકચેન-સીસ્ટમ સાથેની ડેટાટેમ્પર પ્રૂફ તેમજ ફોટા સાથેની અને મહારાષ્ટ્ર બોર્ડ દ્વારા ડિજિટલ સિગ્નેચર તેમજ ક્યુઆર કોડ સાથેની માર્કશીટ અપાય છે. કોંગ્રેસની આ ફરિયાદ વચ્ચે ગુજરાત બોર્ડમાંથી મળતી માહિતી મુજબ હવે આગામી 2027ની પરીક્ષાથી ધોરણ 10 અને 12ના લાખો વિદ્યાર્થીઓનો ક્યુઆર-બારકોડ સાથેની ડિજિટલાઇઝ્ડ માર્કશીટ આપવામાં આવશે. જે માટે માર્કશીટનું ફોર્મેટ બદલાશે. જોકે ડિજિટલ સિગ્નેચર અને ફોટા માટેની કોઈ વિચારણા હાલ બોર્ડ દ્વારા થઈ નથી. ક્યુઆર કોડ સાથે માર્કશીટ મળશે.
