આ પણ વાંચો ટ્રેન્ડિંગ સમાચાર
Women Driving Skills: આજે એક એવી માન્યતા છે કે, મહિલાઓ સારા વાહનચાલક હોતા નથી. રસ્તા પર કોઈ નાનકડો અકસ્માત સર્જાય તો પણ લોકોના મોઢામાંથી અજાણતા જ નીકળી જાય છે કે નક્કી કોઈ મહિલા જ ડ્રાઈવર હશે. સોશિયલ મીડિયા પર મહિલાના ડ્રાઇવિંગની મજાક ઉડાવતા અસંખ્ય જોક્સ અને મીમ ફરે છે. પરંતુ હકીકત કંઈક એવી છે કે, આરટીઓમાં ડ્રાઇવિંગ ટેસ્ટ પાસ કરવામાં મહિલાઓ પુરુષો કરતા ચડિયાતી સાબિત થઈ છે.
મહિલાઓ આત્મવિશ્વાસ સાથે ડ્રાઈવિંગ કરે
અમદાવાદની આરટીઓ કચેરીમાંથી પ્રાપ્ત આંકડાઓ મુજબ ફોર વ્હીલર અને ટુ વ્હીલર લાયસન્સની ટ્રેક ટેસ્ટમાં 60 ટકા પુરુષો અને 58 ટકા મહિલાઓ પ્રથમ પ્રયાસમાં જ ટેસ્ટ પાસ કરે છે. જે ડ્રાઇવિંગમાં મહિલાઓની કુશળતા સામે ઉઠતા પ્રશ્નોને જડબાતોડ જવાબ આપી રહ્યું છે. દાયકાઓ અગાઉ ડ્રાઇવિંગ ક્ષેત્રે માત્ર પુરુષો જ જોડાયેલા હોય તેવું માનવામાં આવતું હતું. પરંતુ બદલાતા સમય સાથે આજે મહિલાઓ ફોર-વ્હીલર, ટુ-વ્હીલરની સાથે જ બસ, રિક્ષા તેમજ એમ્બ્યુલન્સ પણ ખૂબ આત્મવિશ્વાસ સાથે ચલાવે છે. છતાં હજુ કેટલાક લોકોના મનમાં મહિલાઓની ડ્રાઇવિંગ સારી ન હોવાની વાત ઘર કરી ગઈ છે.
આ પણ વાંચો: ગુજરાત ST નિગમ દેવાદાર, 4000 કરોડથી વધુની ખોટ, ખાનગી ટ્રાવેલ્સ-વાહનોનો દબદબો!
લાયસન્સ ટ્રેક ટેસ્ટમાં પ્રથમ વખતમાં પાસ થતાં મહિલા-પુરુષોની સંખ્યા
અમદાવાદની સુભાષ બ્રિજ આરટીઓમાંથી છેલ્લા ત્રણ નાણાકીય વર્ષના પ્રાપ્ત થયેલા આંકડા મુજબ, ફોર-વ્હીલરના લાયસન્સ માટે સરેરાશ 53 ટકા પુરુષોએ પ્રથમ પ્રયાસમાં ટ્રેક ટેસ્ટ પાસ કર્યો છે. તેની સામે મહિલાઓનું પ્રમાણ 54 ટકા છે. વર્ષ 2023-24માં તો ફોર-વ્હીલર લાયસન્સ ટેસ્ટ પાસ કરનાર મહિલાઓની સંખ્યા પુરુષોની સરખામણીએ 11 ટકા વધુ હતી. જે માનસપટ પર છવાયેલી મહિલા ડ્રાઇવર વિશેની રૂઢિગત છાપને ભૂંસી રહ્યું છે.
ટુ-વ્હીલર લાયસન્સના આંકડા પર નજર કરીએ તો પ્રથમ વખતમાં કુલ સંખ્યાના 84 ટકા પુરુષો તેમજ 77 ટકા મહિલાઓ ટેસ્ટ પાસ કરે છે. વસ્ત્રાલ આરટીઓના આંકડા મુજબ, ટ્રેક ટેસ્ટમાં ખોલીને 67 ટકા પુરુષો પાસ થયા હતા જ્યારે 47 ટકા મહિલાઓ ટ્રેક ટેસ્ટ પાસ કરે છે. ગાડી ચલાવવા માટે જાતિનો કોઈ ભેદ નહોતો ન હોવાનું આંકડા પરથી સ્પષ્ટ થાય છે.
