આ પણ વાંચો ટ્રેન્ડિંગ સમાચાર
દુકાનદારોએ ખુલ્લી જગ્યા ખાણીપીણીની લારીઓને ભાડે આપી
સ્થાનિકોની ફરિયાદ બાદ કોર્પોરેશનના એસ્ટેટ વિભાગ દ્વારા કાર્યવાહી કરવામાં આવી ઃ આગામી સમયમાં પણ ઝુંબેશ ચાલુ રહેશે
ગાંધીનગર : ગાંધીનગરના ભાઈજીપુરા પાસે સર્વિસ રોડ ઉપર ટ્રાફિકને
અડચણરૃપ દબાણ ઊભા થઈ ગયા હતા જેના કારણે પાકગનો પ્રશ્ન ઉદભવ્યો હતો ત્યારે
મહાનગરપાલિકાની એસ્ટેટ શાખા દ્વારા આ દબાણ દૂર કરવામાં આવ્યા છે અને ફરીવાર અહીં
નહીં ઊભા રહેવા તાકીદ કરવામાં આવી હતી. આગામી દિવસમાં પણ આ કાર્યવાહી ચાલુ રાખવાનો
નિર્દેશ આપવામાં આવ્યો છે.
રાજ્યના પાટનગર ગાંધીનગર શહેરમાં દબાણનો પ્રશ્ન ખૂબ જ ગંભીર
બની રહ્યો છે. માર્ગોની સમાંતર ઊભા થઈ જતા લારી ગલ્લાના દબાણને કારણે ટ્રાફિકનો
પ્રશ્ન સર્જાય છે. ઘણી જગ્યાએ પાકગના સ્થળોમાં જ અલારીઓ ગોઠવાઈ જતી હોવાથી વાહનો
પાર્ક પણ થઈ શકતા નથી. આ સ્થિતિમાં ગાંધીનગર કોબા હાઇવે ઉપર ભાઈજીપુરા ચાર રસ્તા
અને સવસ રોડ ઉપર લારી ગલ્લાના દબાણો થઈ જવાને કારણે અહીંના વસાહતીઓને માર્ગ ઉપરથી
પસાર થવું પણ મુશ્કેલ બન્યું હતું. એટલું જ નહીં દુકાનદારો દ્વારા બહારની ખુલ્લી
જગ્યામાં ખાણીપીણીની લારીઓ માટે ભાડે આપી
દેવામાં આવતા પ્રશ્ન ખૂબ જ ગંભીર બન્યો હતો. આ સ્થિતિને પગલે હવે કોર્પોરેશનની
એસ્ટેટ શાખા જાગૃત થઈ હતી અને ગઈકાલે આ વિસ્તારમાં આ લારી ગલ્લાના દબાણને દૂર
કર્યા હતા અને આગામી દિવસમાં અહીં નહીં ઊભા રહેવા માટે પણ તાકીદ કરવામાં આવી હતી.
આ હાઇવે ઉપર બંને તરફના સવસ રોડ ઉપર દબાણનો પ્રશ્ન ખૂબ જ
ગંભીર બની રહ્યો છે ત્યારે કોર્પોરેશન દ્વારા અહીં સમસ્યાના કાયમી નિકાલ માટે કડક
કાર્યવાહીની જરૃરિયાત લાગી રહી છે.
