આ પણ વાંચો ટ્રેન્ડિંગ સમાચાર
– કેન્દ્ર સરકાર દ્વારા કુલ 676 કરોડ ફાળવાયા હતા
– તમામ સગવડતાની ભૌતિક સાથો સાથ રાષ્ટ્રીય શિક્ષણ નીતિને ગુણાત્મક રીતે મજબુત કવરાનો નિર્ધાર
ભાવનગર : શિક્ષણને વધુ વ્યાપક અને સુવિધા સભર બનાવવા પી.એમ.શ્રી શાળાનો પ્રોજેક્ટ ગત વર્ષે લોંચ કરવામાં આવ્યો હતો. ભાવનગર જિલ્લાની ૨૧ શાળાનો આ યોજના હેઠળ સમાવેશ કરાયો હતો અને વિવિધ ૧૨ હેડ હેઠળ કુલ ૬૭૬ લાખની ગ્રાન્ટ મંજુર કરાઈ હતી. જેમાંથી ૪૪૨ લાખનો ખર્ચ કરાયો છે.
રાષ્ટ્રીય શિક્ષણ નીતિના તમામ પાસાનો સમાવેશકરવા માટે ગુણાત્મક રીતે મજબુત કરવા પી.એમ.શ્રી સ્કુલ યોજના ગત વર્ષે અમલી કરાઈ છે. જેમાં ભાવનગર જિલ્લાની ૨૧ શાળાની પસંદગી કરવામાં આવી છે. આ યોજના હેઠળ ભૌતિક સુવિધાની સાથો સાથ રમતગમત, સર્વગ્રાહી શિક્ષણ અને પર્યાપ્ત ફેકલ્ટી સાથે અનેકવિધ કાર્યક્રમો માટે લખલૂટ ખર્ચની જોગવાઈ કરવામાં આવી છે. વિવિધ ૧૨ હેડ હેઠળ ભાવનગર જિલ્લાની ૨૧ પી.એ.શ્રી શાળા માટે વિવિધ ફેસમાં કુલ ૬૭૬ લાખની ગ્રાન્ટ ફાળવવામાં આવી હતી. જેમાંથી ૪૪૨ લાખની ગ્રાન્ટ વપરાઈ હોય ૨૩૩ લાખની ગ્રાન્ટ વાપરવાની બાકી હોવાનું જાણવા મળ્યું છે. વિદ્યાર્થીઓને ઉત્તમ શિક્ષણ સરકારી શાળાઓમાં મળી રહે તે હેતુ આયોજનો હાથ ધરાય છે અને નવા નાણાંકીય વર્ષમાં પી.એમ.શ્રી શાળા હેઠળ હજુ નવી શાળાઓનો ઉમેરો કરવાની પણ કવાયત શરૂ હોવાનું જણાયું છે. સરકાર દ્વારા વિવિધ ૧૨ હેડ હેઠળ ફાળવેલ ખર્ચમાં લાયબ્રેરી પાછળ ૯૨ ટકા, શાળામાં મુલ્યાંકન માટે ૧૨ ટકા, રમતગમત અને શા.સ. બિનટેકીંગ માટે ૫૦ ટકા, રેકીંગ માટે ૭૫ ટકા, પૂર્વ પ્રાથમિક શાળા માટે ૯૯ ટકા, પ્રોજેક્ટ ઈનોવેશન માટે ૮૦ ટકા, રાષ્ટ્રીય વિષ્કાર અભિયાન માટે ૯૪ ટકા, કોમ્યુનિટી મોબિલાઈઝેશન માટે ૮૮ ટકા, ફિટેક્સ બુક માટે ૯૨ ટકા, ગ્રીન સ્કુલ માટે ૯૫ ટકા, વાર્ષિક સ્કુલ ગ્રાન્ટ માટે ૯૧ ટકા, હાલની શાળાનું મજબુતિકરણ માટે ૪૦ ટકા, પરિવહન સુવિધા માટે ૬૯ ટકા, સ્વરક્ષણ તાલીમ માટે ૩૫ ટકા, ખાસ જરૂરિયાત ધરાવતા બાળકો માટે ૬૧ ટકા ગ્રાન્ટનો વપરાશ થયો હોવાનું જણાયું છે.
પ્રોજેક્ટ ઈનોવેશન હેડ હેઠળ 2.18 કરોડનો ખર્ચ કરાયો
પી.એમ.શ્રી શાળામાં સૌથી મોટો રકમ પ્રોજેક્ટ ઈનોવેશન પાછળ ફાળવાઈ છે. જેમાં વિજ્ઞાન પ્રદર્શન, શિક્ષક, વિદ્યાર્થી આઈ.ડી.કાર્ડ, રંગોત્સવ, સા.વિ. કીટ, રાજ્ય બહાર મુલાકાત, રોબોટીક્સ તાલીમ, પ્રાકૃતિક ખેતી, ગણિત-વિજ્ઞાન પ્રોગ્રામ, પ્રતિભાશોધ, ઓરીએન્ટેશન, આર્ટ એન્ડ ક્રાફટ, મ્યુઝિક ડાન્સ, બેન્ડ યુનિફોર્મ, કલાસમાં એલઈડી લાઈટ, શિક્ષકોની ક્ષમતા, સંગીતના સાધનો, વગેરે પ્રવૃત્તી માટે સૌથી વધુ ૨.૭૧ કરોડ ફાળવાયા હતા. જેમાંથી વર્ષ દરમ્યાન ૨૦૧૮ કરોડનો ખર્ચ થયો હતો. આમ ૮૦ ટકા ગ્રાન્ટ વપરાઈ હતી.
