આ પણ વાંચો ટ્રેન્ડિંગ સમાચાર
અમદાવાદ, રવિવાર
ગુજરાત એન્ટી ટેરરિસ્ટ સ્ક્વોડ અને બનાસકાંઠા એસઓજીએ સરહદ ઉપરથી આંતરરાષ્ટ્રીય સ્તરનું નેટવર્ક ધરાવતા આતંકી ગેંગના સાગરિતને પોલીસે ઝડપી લીધો છે. આરોપી પાકિસ્તાની ગેંગસ્ટર સહેજાદ તથા આબિદ ભટ્ટી ગેંગ સાથે સંકળાયેલો હતો. આરોપી બિક્રમજીતસિંઘ પંજાબમાં સુરક્ષાદળાના એકમો તથા પોલીસ સ્ટેશનો ઉપર હેન્ડગ્રેનેડ હુમલા કરાવવાનો મુખ્ય સુત્રધાર છે. પંજાબમાં થયેલા ગ્રેનેડ સ્મગલિંગના ગંભીર ગુનામાં લાંબા સમયથી વોન્ટેડ હતો. પોલીસે ચોક્કસ બાતમી આધારે ડીસાના ઢાબા પરથી પકડી પાડયો હતો. બિક્રમજીતસિંઘના ગુજરાતમાં રોકાણ દરમિયાન સ્થાનિક કક્ષાએ આઈએસઆઈ માટે કોઈ પ્રવૃત્તિ આચરી કે કેમ તેની તપાસ ચાલી રહી છે.
પાકિસ્તાની ગેંગસ્ટર શહેઝાદ ભટ્ટી ગેંગનો મુખ્ય સુત્રધ્ધાર ઃ ગુજરાતમાં આઇએસઆઇ માટે આતંકવાદી પ્રવૃત્તિનું કારસ્તાન અંગે પણ તપાસ
પકડાયેલો આરોપી બ્રિક્રમજીતસિંઘ ઉર્ફે વિક્કી કશ્મિરસિંઘ મૂળ પજાબના અમૃતસરામં નંગલ પનુઆલનો વતની છે અને પોલીસને થાપ આપવા માટે લાંબા સમયથી પંજાબથી ભાગી આવીને પોતાની ઓળખ છૂપાવીને ડિસા પાસે ઢાબામાં મજૂરી કામ કરતો હતો. આરોપી પાકિસ્તાની ગેંગસ્ટર શહેઝાદ ભટ્ટી અને આબિદ ભટ્ટી ગેંગનો મુખ્ય સુત્રધાર છે. તે પાકિસ્તાની ગુપ્તચર એજન્સી આઇએસઆઇ સાથે સંપર્કમાં રહી ભારતના વિવિધ પોલીસ સ્ટેશનો અને સુરક્ષા એજન્સીઓના એકમોને ઉપર હેન્ડગ્રેનેડ હુમલા કરાવીને આતંક ફેલાવતો હતો.
અમદાવાદ એટીએસને ે મળેલી ચોક્કસ બાતમીના આધારે સ્થાનિક એસઓજી સાથે મળીને અચાનક દરોડો પાડીને આરોપીને ભાગવાની કોઈ તક આપ્યા વગર જ ઝડપી લીધો હતો. ગુજરાતના સરહદી વિસ્તારોમાં કાર્યરત સંભવિત સ્લીપર સેલ અને આતંકી નેટવર્ક અંગે મોટી માહિતી બહાર આવવાની શક્યતા વ્યક્ત કરવામાં આવી રહી છે. પૂછપરછ માટે કસ્ટડીમાં રાખવામાં આવ્યો છે. ડીસામાં કોના સંપર્કમાં હતો, તેને કોણે આશરો આપ્યો હતો .તેમજ તેની પાસે કોઈ વિસ્ફોટક સામગ્રી કે હથિયારો હતા કે નહીં તે મુદ્દે તપાસ તેજ કરવામાં આવી છે.તેમજ રાજ્ય અને કેન્દ્રની સુરક્ષા એજન્સીઆને હાઈ એલર્ટ કરી દેવાઇ છે. આ કેસમાં વધુ મોટા ખુલાસા થવાની શક્યતા વ્યક્ત કરવામાં આવી રહી છે.
———
યુવકોનું બ્રેઈનવોશ કરતો બિક્રમજીત ઝડપાતાં ગ્રેનેડ સ્મગલિંગ નેટવર્ક તૂટશે
યુવકોને ગેંગમાં ભરતી કરી ગેરકાયદે પ્રવૃત્તિ અને દેશવિરોધી કૃત્યોમાં જોડાવા માટે ઉશ્કેરણી કરતો
અમદાવાદ, રવિવાર
આરોપી બિક્રમજીત પાકિસ્તાની ગુપ્તચર એજન્સી આઇએસઆઇ સાથે સીધો સંપર્ક ધરાવતા નેટવર્ક માટે કામ કરતો હતો. તે પંજાબમાં ગ્રેનેડ હુમલા કરવાના કાવતરામાં મુખ્ય ભૂમિકા ભજવી રહ્યો હતો. પાકિસ્તાની આકાઓના ઈશારે તે ભારતમાં આતંક ફેલાવવાના પ્રયાસોમાં સામેલ હતો તે યુવકોનું બ્રેઈનવોશ કરતો પોલીસ દ્વારા પુછપરછ કરીને પંજાબ પોલીસને સોંપવામાં આવશે. આરોપીની ધરપકડથી યુવકોનું બ્રેનવોશ તથા ગ્રેનેડ સ્મગલિંગ નેટવર્ક તૂટશે.
પોલીસ પુછપરછમાં આરોપી માત્ર ગ્રેનેડ સ્મગલિંગ જ નહીં પરંતુ સ્થાનિક યુવકોને પોતાની ગેંગમાં ભરતી કરવાનું કામ પણ કરતો હતો, યુવાનોને ગેરકાયદે પ્રવૃત્તિઓ અને દેશવિરોધી કૃત્યોમાં જોડવા માટે પ્રોત્સાહિત કરતો હતો, જે દેશની આંતરિક સુરક્ષા માટે ગંભીર ખતરો સાબિત થઈ શકે તેમ હતું.
ગુજરાતની સુરક્ષા એજન્સીઓ હાલ આરોપીના અન્ય સંપર્કો અને ગુજરાતમાં તેના રોકાણ અંગે ઉંડી તપાસ કરી રહી છે. પ્રાથમિક કાર્યવાહી પૂર્ણ થયા બાદ બિક્રમજીતને આગળની તપાસ અને કાયદેસરની કાર્યવાહી માટે પંજાબ પોલીસને સોંપવામાં આવશે.
