આ પણ વાંચો ટ્રેન્ડિંગ સમાચાર
વડોદરાઃ છાણી વિસ્તારના મેલડી માતાના મંદિરમાં ચોરી કરનાર એક સગીર સહિત બે ચોર અને દાગીના ખરીદનારને પોલીસે ઝડપી પાડયા છે.
છાણી જકાતનાકા ખાતે ગિરિરાજ સોસાયટીની બહારની દિવાલમાં આવેલા મેલડી માતાના મંદિરનો દરવાજો ખોલી કોઇ ચોર ચાંદીની મૂર્તિ અને દાગીના મળી કુલ રૃ. પોણો લાખની મતા ચોરી જતાં છાણી પોલીસે તપાસ હાથ ધરી હતી.
આ ગુનામાં ક્રાઇમ બ્રાન્ચે ચોરી કરનાર એક સગીર તેમજ તેના સાગરીત જય હસમુખભાઇ ભીમાણી(ભગવતનગર સોસાયટી,અભિલાષા,સમા)ને ઝડપી પાડયા હતા.પૂછપરછ દરમિયાન સગીરના મિત્ર જય ભીમાણીએ ચોરીનો માલ પાદરાના આશિક રહેમત મલિક (ક્રિષ્નાવાટિકા ફ્લેટ,મધર્સ સ્કૂલ રોડ, પાદરા)ને વેચી દીધો હોવાથી પોલીસે ત્રણેયની ધરપકડ કરી હતી.પોલીસે મૂર્તિ ઓગાળી બનાવેલી ચાંદીની લગડી અને આભુષણો,સ્કૂટર, મોબાઇલ મળી રૃ.૧.૪૨ લાખની મતા કબજે કરી હતી.
