આ પણ વાંચો ટ્રેન્ડિંગ સમાચાર
ચૂંટણીનો ગરમાવો, ફોર્મ ભરવાના અંતિમ દિવસે ઉમેદવારોનું ઘોડાપૂર : 8 જિલ્લા પંચાયતની 216 બેઠકો માટે 975, 55 તા.પં.ની 1022 બેઠકો માટે 3460 જ્યારે 18 પાલિકાની 556 બેઠકો માટે 1536 ફોર્મ ભરાયા
રાજકોટ, : સૌરાષ્ટ્રના 8 જિલ્લામાં સ્થાનિક સ્વરાજ્યની ચૂંટણી માટે આજે ફોર્મ ભરવાના અંતિમ દિવસે રાજકીય ગરમાવો ચરમસીમાએ જોવા મળ્યો હતો. સવારથી જ વિવિધ પક્ષોના અધિકૃત ઉમેદવારો અને અપક્ષો મોટી સંખ્યામાં ફોર્મ ભરવા માટે ઉમટી પડયા હતાં. બપોરે ફોર્મ ભરવા ઉમેદવારોની લાંબી લાઇનો લાગતા અનેક કચેરીઓમાં ટોકન સીસ્ટમ રાખવાની નોબત આવી હતી. ઉમેદવારોના ધસારાને લીધે વહીવટી તંત્ર પર ભારે દબાણ જોવા મળ્યું હતું. 4 મહાનગરપાલિકામાં 1209 ઉમેદવારોએ, 8 જિલ્લા પંચાયતમાં 975 ઉમેદવારો, 55 તાલુકા પંચાયતોમાં 3460 ઉમેદવારોએ જ્યારે 18 નગરપાલિકામાં 1536 ઉમેદવારોએ ફોર્મ ભર્યા હતાં. જો કે ફોર્મ ભરવાની છેલ્લી મિનિટો સુધી પક્ષના મેન્ડેટ મેળવવા માટે ટિકિટવાંચ્છુઓમાં ભારે ખેંચતાણ અને દોડધામ જોવા મળી હતી. ચકાસણી તથા ફોર્મ ખેંચવાની મુદત બાદ સાચું ચૂંટણી ચિત્ર સ્પષ્ટ થશે.
રાજકોટ મહાનગરપાલિકાના 18 વોર્ડ ની 72 બેઠકો માટે 554 ફોર્મ ભરાયા છે. જ્યારે 11 તાલુકા પંચાયતની 202 બેઠકો પર 748 અને ગોંડલ નગરપાલિકાની 44 બેઠક માટે 132 ફોર્મ ભરાયા છે.છેલ્લે દિવસે ટિકિટો માટે નાટકિય બનાવો બન્યો હતો. ઉમેદવારોએ જ
જામનગર જિલ્લામાં સ્થાનિક સ્વરાજ્યની ચૂંટણીમાં ભાજપનો આંતરકલહ સપાટી પર આવ્યો હતો. ભાજપની નો રિપિટ થીયરીએ જૂના જોગીઓને નારાજ કર્યા છે. અને અમુક આગેવાનોએ ભાજપ સાથે છેડો ફાડી અન્ય પક્ષનો ખેસ પહેર્યો છે. જામનગર મનપાની 16 વોર્ડની 64 બેઠકો માટે 317 ઉમેદવારીપત્રો ભરાયા છે. જેમાં ભાજપના 123 કોંગ્રેસના 86 અને આપના 64 સહિતનો સમાવેશ થાય છે. જામનગર જિ.પં.ની 24 બેઠક માટે 132 ઉમેદવારી ફોર્મ જ્યારે 6 તાલુકા પંચાયતની 112 બેઠકો માટે 474 ઉમેદવારોએ ઉમેદવારી નોંધાવી છે.
પોરબંદર મહાનગરપાલિકાની પ્રથમ ચૂંટણી યોજાવાની છે ત્યારે 13 વોર્ડની 52 બેઠકો માટે કુલ 134 ઉમેદવારોએ ફોર્મ ભર્યા છે. જેમાં ભાજપના 52, કોંગ્રેસના 35, આપ દ્વારા 39, બસપાના 2 અને 6 અપક્ષોએ ફોર્મ ભર્યાં છે. જ્યારે પોરબંદર જિલ્લા પંચાયતની 18 બેઠક માટે 57 તથા 3 તાલુકા પંચાયતોની 54 બેઠકો માટે 130 ઉમેદવારોએ ફોર્મ ભર્યા છે.પોરબંદર જિલ્લામાં સ્થાનિક સ્વરાજ્યની ચૂંટણીમાં અનેક બેઠકો પર કોંગ્રેસે ફોર્મ ભર્યા નથી. તો આપ દ્વારા પણ તમામ બેઠકો પર ફોર્મ ભરાયા નથી. ભાજપ માટે વિન-વિન સીચ્યુએશન જોવા મળી રહી છે.
મોરબી મહાનગરપાલિકાની 52 બેઠકો પર 204 ઉમેદવારોએ ફોર્મ ભર્યા છે તેમજ વાંકાનેર નગરપાલિકાની 28 બેઠકો માટે 63, ટંકારાની 24 બેઠકો માટે 63 અને માળિયા પાલિકાની 24 બેઠકો માટે 77 મળીને ત્રણ પાલિકાની 76 બેઠકો માટે 203 ફોર્મ રજૂ થયા છે. પાંચ તાલુકા પંચાયત પૈકી મોરબી તાલુકા પંચાયતની 22 બેઠક માટે 83 ફોર્મ, માળિયાની તાલુકા પંચાયતની 16 બેઠક માટે 76 ફોર્મ, વાંકાનેર તાલુકા પંચાયતની 24 બેઠક માટે 103 ફોર્મ, ટંકારા તાલુકા પંચાયતની 16 બેઠક માટે 65 અને હળવદ તાલુકા પંચાયતની 20 બેઠક માટે 88 સહિત પાંચ તાલુકા પંચાયતની 98 બેઠકો માટે 415 ફોર્મ ભરાયા છે. તેમજ મોરબી જિલ્લા પંચાયતની 24 બેઠક માટે કુલ 117 ઉમેદવારોએ ફોર્મ ભર્યા છે. આમ મોરબી જિલ્લા પંચાયત, 5 તાલુકા પંચાયત, 3 નગરપાલિકા અને 1 મહાનગરપાલિકા માટે કુલ 939 ઉમેદવારોએ ફોર્મ ભર્યા છે.
જૂનાગઢ જિલ્લા પંચાયતની 30 બેઠકો માટે 161 ફોર્મ, 9 તાલુકા પંચાયતોની 158 બેઠકો માટે 714 જ્યારે કેશોદ નગરપાલિકાની 36 બેઠક માટે 118 ફોર્મ ભરાયા છે.દ્વારકા જિલ્લા પંચાયતમાં 22 બેઠકો માટે 108 ઉમેદવારી પત્રો, 4 તાલુકા પંચાયતોની 80 બેઠકો માટે 340 જ્યારે બે નગરપાલિકાની 60 બેઠક માટે 181 ફોર્મ ભરાયા છે.ગીર સોમનાથ જિલ્લા પંચાયતની 28 બેઠકો માટે 113, જ્યારે 4 નગરપાલિકા માટે સાંજ સુધીમાં જાહેર આંકડા મુજબ 263 તથા 6 તાલુકા પંચાયતની 128 બેઠકો માટે 471 ફોર્મ ભરાયા છે.અમરેલી જિલ્લા પંચાયતની 34 બેઠકો માટે 127, 11 તાલુકા પંચાયતની 190 બેઠકો માટે 639 તથા 6 નગરપાલિકાની 548 બેઠકો માટે 356 ફોર્મ ભરાયા છે
