આ પણ વાંચો ટ્રેન્ડિંગ સમાચાર
PCB Raid In Kathwada,Ahmedabad: અમદાવાદમાં પ્રિવેન્શન ઓફ ક્રાઈમ બ્રાન્ચ (PCB)એ નિકોલ પોલીસ સ્ટેશનની હદમાં આવતા કઠવાડાના ટેબલી ગામમાં પોલીસે એક બાતમીના આધારે દરોડો પાડ્યો હતો. જેમાં ભારતીય બનાવટના વિદેશી દારૂ અને બિયરનો જથ્થો જપ્ત કર્યો છે. ગઈકાલે (14મી એપ્રિલ) કરવામાં આવેલી આ કાર્યવાહીમાં પોલીસે 5 લાખથી વધુનો મુદ્દામાલ કબજે કરી કાયદેસરની કાર્યવાહી હાથ ધરી છે.
દારૂ અને બિયરની કુલ 1,231 બોટલો જપ્ત
પોલીસને બાતમી મળી હતી કે આરોપીઓએ કઠવાડાના ટેબલી ગામ ખાતેના એક મકાનમાં વિદેશી દારૂનો મોટો જથ્થો સંતાડવામાં આવ્યો છે. આ બાતમીના આધારે PCBની ટીમે દરોડા પાડીને મકાનમાંથી ભારતીય બનાવટના વિદેશી દારૂની નાની-મોટી સીલબંધ બોટલો તેમજ બિયરના ટીન મળી આવ્યા હતા. પોલીસે સ્થળ પરથી દારૂ અને બિયરની કુલ 1,231 બોટલો જપ્ત કરી હતી. આ ઉપરાંત એક મોબાઈલ ફોન પણ કબજે કરાયો હતો. આટલા મોટા પ્રમાણમાં દારૂનો જથ્થો કોણ, ક્યાંથી અને કયા વાહનમાં છૂપી રીતે લાવ્યું હતું અને આ નેટવર્કમાં અન્ય કોણ કોણ સામેલ છે, તે અંગે પોલીસે તપાસ હાથ ધરી છે.
આ પણ વાંચો: નસવાડી તાલુકામાં સરકારી વિભાગે એક જ ગામના બે અલગ અલગ નામ પાડતા લોકો મુંઝાયા
આ કાર્યવાહી દરમિયાન પોલીસે સ્થળ પરથી લિસ્ટેડ મહિલા બુટલેગર 50 વર્ષીય અનિતાબેન ચુનારાની ધરપકડ કરી છે. જ્યારે આ ગુનામાં સંડોવાયેલ અન્ય એક આરોપી દિપક ઉર્ફે બાવો કાનજીભાઇ ચુનારા સ્થળ પર હાજર ન હોવાથી તેને વોન્ટેડ જાહેર કરવામાં આવ્યો છે. પોલીસે કુલ 5,22,828 રૂપિયાનો મુદ્દામાલ કબજે કરીને ફરાર આરોપી દિપકને ઝડપી પાડવા માટે કાર્યવાહી હાથ ધરી છે.
