કલાલીમાં માતા, પુત્ર પર હુમલો કરી આરોપીઓ ફરાર | Accused abscond after attacking mother son in Kalali

કલાલી ફાટક પાસે ચાણક્યનગરી વુડાના મકાનમાં રહેતા શ્રમજીવી મેહુલ કાનજીભાઇએ અટલાદરા  પોલીસ સ્ટેશનમાં ફરિયાદ નોંધાવી જણાવ્યું છે કે, બે દિવસ પહેલા બપોરે ૧૨ વાગ્યે  હું ચાણક્યનગરી વુડાના મકાન પાસે મિત્રો સાથે રમતો હતો. તે દરમિયાન મોપેડ લઇને ઇશ્વરભાઇ તથા તેમના પત્ની રેખાબેન આવ્યા હતા.ત્યારબાદ પાછળથી બાઇક પર સંજય અને ગણેશ આવ્યા હતા.તેઓએ મને જણાવ્યંું હતું કે, અમે તને ઉપાડી જઇશું તો જ તારા મામા આવશે. ઇશ્વરભાઇએ મારા માથાપર લાકડીનો ફટકો મારી દીધો હતો.મારી મમ્મી છોડાવવા પડતા રેખાબેને મારી મમ્મીને પણ માર માર્યો હતો. તમામે ભેગા થઇને મને તથા મારી મમ્મીને માર માર્યો હતો.