આ પણ વાંચો ટ્રેન્ડિંગ સમાચાર
મુંબઈ : મુંબઈ ઝવેરીબજારમાં આજે શનિવારના કારણે બુલીયન બજાર સત્તાવાર બંધ રહી હતી. જોકે બંધ બજારો સોના- ચાંદીના ભાવમાં વિશ્વબજાર પાછળ પીછેહટ જોવા મળી હતી. વિશ્વબજાર ઘટતાં ઘરઆંગણે ઈમ્પોર્ટ કોસ્ટ નીચી આવી હતી. દરમિયાન, કરન્સીમાં આજે બંધ બજારે રૂપિયા સામે ડોલરના ભાવ ઉંચકાયા હતા. વિશ્વબજારમાં ક્રૂડતેલના ભાવ આંચકા પચાવી ફરી વધી આવ્યા હતા. વિશ્વબજારમાં કોપરના ભાવ ઉછળી ત્રણ મહિનાની ટોચે પહોંચ્યા હતા.
દરમિયાન, અમદાવાદ ઝવેરીબજારમાં આજે સોનાના ભાવ ૧૦ ગ્રામના રૂ.૫૦૦ ઘટી ૯૯૫ના રૂ.૧૫૫૨૦૦ તથા ૯૯૯ના રૂ.૧૫૫૫૦ રહ્યા હતા. જ્યારે અમદાવાદ ચાંદીના ભાવ કિલોના રૂ.૨૦૦૦ ઘટી રૂ.૨ લાખ ૫૦ હજાર રહ્યા હતા. વિશ્વબજારમાં સોનાના ભાવ ઔંશના ૪૭૩૦થી ૪૭૩૧ વાળા ઘટી છેલ્લે સપ્તાહના અંતે ૪૭૧૫થી ૪૭૧૬ ડોલર રહ્યા હતા.
ઈરાન- અમેરિકા વચ્ચે હવે નવા બનાવો કેવો વળાંક લે છે તેના પર ખેલાડીઓની નજર હતી. દરમિયાન, વિશ્વબજારમાં ચાંદીના ભાવ ઔંશના ૮૧.૪૧થી ૪૧.૪૨ વાળા છેલ્લે ૮૦.૩૩થી ૮૦.૩૪ ડોલર રહ્યા હતા. મુંબઈ બુલીયન બજારમાં આજે જીએસટી વગર સોનાના ભાવ રૂ.૫૦૦ ઘટી ૯૯૫ના રૂ.૧૫૦૦૦૦ તથા ૯૯૯ના રૂ.૧૫૦૬૦૦ રહ્યા હતા. જ્યારે મુંબઈ ચાંદીના ભાવ જીએસટી વગર રૂ.૬૦૦ ઘટી રૂ.૨૫૫૦૦૦ રહ્યા હતા.
દરમિયાન, વિશ્વબજારમાં પ્લેટીનમના ભાવ ઔંશના ૨૦૫૨થી ૨૦૫૩ વાળા ૨૦૫૮થી ૨૦૫૯ ડોલર રહ્યા હતા. પેલેડીયમના ભાવ ૧૪૯૫થી ૧૪૯૬ વાળા ૧૪૯૦થી ૧૪૯૧ ડોલર રહ્યા હતા. વૈશ્વિક કોપરના ભાવ ટનના ઉંચામાં ૧૩૫૦૦ ડોલર ઉપર ગયા હતા. દરમિયાન, ક્રૂડતેલ બજારમાં બ્રેન્ટના ભાવ બેરલના નીચામાં ૯૯.૫૦ થયા પછી ફરી વધી ૧૦૧.૨૯ ડોલર રહ્યા હતા.
જ્યારે યુએસ ક્રૂડના ભાવ નીચામાં ૯૩.૮૨ થઈ છેલ્લે ભાવ ૯૫.૪૨ ડોલર રહ્યા હતા. વિશ્વબજારમાં ડોલરના ઈન્ડેક્સ ઉંચામાં ૯૮.૨૮ થયા પછી નીચામાં ૯૭.૮૩ થઈ ૯૭.૮૪ છેલ્લે રહ્યો હતો. જ્યારે મુંબઈ કરન્સી બજારમાં રૂપિયા સામે આજે બંધ બજારે ડોલરના ભાવ રૂ.૯૪.૪૦ વાળા રૂ.૯૪.૫૨તી ૯૪.૫૩ રહ્યા હતા.
