આ પણ વાંચો ટ્રેન્ડિંગ સમાચાર
મુંબઈ : મુંબઈ કરન્સી બજારમાં આજે રૂપિયા સામે ડોલરના ભાવ વધુ ઉછળી નવી ટોચે પહોંચતા રૂપિયો વધુ ગબડી નવા નીચા તળિયે પટકાયો હતો. ઈરાન-અમેરિકા વચ્ચે ફરી મડગાંઠ સર્જાતાં તથા શેરબજારમાં ઝડપી કડાકો બોલાઈ જતાં તેમ જ વિશ્વ બજારમાં ક્રૂડતેલના ભાવ ઉછળી બેરલના ૧૦૮ ડોલર નજીક પહોંચી જતાં ઘરઆંગણે કરન્સી બજારમાં રૂપિયા પર દબાણ વધ્યું હોવાનું બજારના જાણકારો જણાવી રહ્યા હતા. ડોલરના ભાવ રૂ.૯૫.૩૨ વાળા આજે સવારે રૂ.૯૫.૫૦ ખુલ્યા પછી ઉંચામાં ભાવ રૂ.૯૫.૭૫ તથા નીચામાં ભાવ રૂ.૯૫.૪૩ થઈ રૂ.૯૫.૫૭ રહ્યા હતા.
રૂપિયા સામે ડોલરના ભાવ આજે વધુ ૨૫ પૈસા વધતાં ડોલર સામે રૂપિયો વધુ ૦.૨૬ ટકા ઘટયો હતો. હવે બજારના ખેલાડીઓની નજર ચીન તથા અમેરિકાના પ્રમુખ વચ્ચે મળનારી મિટિંગ પર રહી હતી. દરમિયાન, દેશમાં ઈમ્પોર્ટ બિલ વધતાં તથા શેરબજાર તૂટતાં દેશમાંથી ડોલરનો આઉટફલો વધવાની તથા ઈન્ફલો ઘટવાની શકર્યતા જાણકારોમા ચર્ચાઈ રહી હતી.
દેશમાં ફોરેક્સ રિઝર્વ ઘટતાં કરન્સી બજારમાં રિઝર્વ બેન્કની સક્રિયતા હવે ઘટવાની શક્યતા પણ બજારમાં ચર્ચાતી થઈ હતી. જોકે આજે ડોલરમાં ઉંચા મથાળે અમુક સરકારી બેન્કો દ્વારા ડોલરની વેચવાલી જોવા મળી હતી. ડોલરના ભાવ આજે મુવિંગ એવરેજ પાર કરી ગયા છે એ જોતાં ડોલર હવે ઝડપી વધી ઉંચામાં રૂ.૯૬ની નવી ટોચને આંબી જવાની શક્યતા બજારમાં ચર્ચાઈ રહી હતી. ક્રૂડતલે ઉછળતાં દેશમાં વેપાર ખાધ વધવાની ભીતિ પણ જાણકારો બતાવી રહ્યા હતા.
દરમિયાન, વિશ્વ બજારમાં વિવિધ પ્રમુખ કરન્સીઓ સામે ડોલરનો ગ્લોબલ ઈન્ડેક્સ આજે વધુ ૦.૩૨ ટકા વધી ઉંચામાં ૯૮.૩૩ લથઈ ૯૮.૨૭ રહ્યાના સમાચાર હતા. વૈશ્વિક સ્તરે નવેસરથી વોરની આશંકા વધતાં વિશ્વ બજારમાં આજે ડોલરમાં સેફ હેવન બાઈંગ ફરી વધ્યાના વાવડ મળ્યા હતા. જોકે ઘરઆંગણે આજે રૂપિયા સામે બ્રિટીશ પાઉન્ડના ભાવ વધતા અટકી ૨૬ પૈસા ઘટી નીચામાં ભાવ રૂ.૧૨૯.૨૫ થઈ રૂ.૧૨૯.૩૫ રહ્યાના નિર્દેશો હતા.
જોકે યુરોપીયન કરન્સી યુરોના ભાવ રૂપિયા સામે આજે વધુ ૧૫ પૈસા વધી ઉંચામાં ભાવ રૂ.૧૧૨.૪૯ થઈ રૂ.૧૧૨.૩૦ રહ્યા હતા જાપાનની કરન્સી આજે રૂપિયા સામે ૦.૦૩ ટકાનો ધીમો ઘટાડો દર્શાવતી હતી જયારે ચીનની કરન્સી રૂપિયા સામે આજે ૦.૩૧ ટકા ઉંચકાઈ હતી. વડાપ્રધાને હુંડિયામણ બચાવવા વિવિધ પગલાઓ માટે હાકલ કરતાં દેશમાં હુંડિયામણની સ્થિતિ નાજુક હોવાની શકયતાના સંકેતો મળતા તેની અસર પણ મુંબઈ કરન્સી બજાર પર દેખાઈ હતી.
રિઝર્વ બેન્ક દ્વારા હવે કદાચ ડોલર-સ્વેપ માટે સ્પેશિયલ વિન્ડો ખોલશે એવી ગણતરી પણ બજારમાં ચર્ચાઈ રહી હતી. આના પગલે ઓઈલ કંપનીઓની ખરીદી આ વિન્ડો તરફ વળવાની તથા ખુલ્લા બજારમાં ડોલરમાં બાઈંગનું દબાણ હળવું થવાની શક્યતા જાણકારો બતાવી રહ્યા હતા.દરમિયાન ડોલરના ભાવ સાંજેૈ ૯૫.૬૩ રહ્યા હતા જ્યારે પાઉન્ડના ભાવ રૂ.૧૨૯.૪૯ રહ્યા હતા. યુરોના ભાવ રૂ.૧૧૨.૩૫ રહ્યા હતા.
ફોરેક્સ ભાવ
|
ડોલર |
રૃા. ૯૫.૬૩ |
|
પાઉન્ડ |
રૃા. ૧૨૯.૪૯ |
|
યુરો |
રૃા. ૧૧૨.૩૫ |
|
યેન |
રૃા. ૦.૬૧ |
