આ પણ વાંચો ટ્રેન્ડિંગ સમાચાર
Vadodara Cattle Party : વડોદરાના ઉંદેરા વિસ્તારમાં ગાય પકડવા ગયેલી કોર્પોરેશનની ટીમ ઉપર હુમલાનું બનાવ બનતા પોલીસ ફરિયાદ નોંધાઈ છે.
શહેરમાં રખડતા ઢોર પકડવા માટે નીકળતી કોર્પોરેશનની ટીમ સાથે ઘર્ષણના વારંવાર બનાવો બની રહ્યા છે. કોર્પોરેશનની ટીમને કામગીરીમાં અડચણ ન પડે તે માટે તેઓને પોલીસ રક્ષણ પણ આપવામાં આવ્યું છે, તેમજ આવા બનાવવામાં કડક હાથે કામગીરી કરવા માટે પોલીસને સૂચના પણ આપવામાં આવી છે.
ઉંડેરા વિસ્તારની પુષ્પક સોસાયટીમાં બે દિવસ પહેલા હુમલાનો વધુ એક બનાવ બન્યો હતો. જેમાં કોર્પોરેશનની ટીમે સિક્યુરિટી ગાર્ડની સાથે મળીને ગાયને પકડતા કનુ રબારી નામના પશુપાલકે તેના અન્ય બે મિત્રો અક્ષય અને રાહુલને બોલાવી ગાય છોડાવવા માટે ઝપાઝપી કરી સરકારી કામમાં રૂકાવટ ઉભી કરી હતી.
જવાહર નગર પોલીસે આ બનાવ અંગે પશુપાલક સામે ગુનો નોંધી કાર્યવાહી હાથ ધરી છે.
