આ પણ વાંચો ટ્રેન્ડિંગ સમાચાર
રાજસ્થાનના બિવાલ પરિવારની બબાલ
ગયા વર્ષે પાંચને એડમિશન મળ્યું તેમાંથી બે નીટ પહેલા અભ્યાસમાં સાવ નબળા હતા
જયપુર: નીટ પેપર લીક મામલે સતત નવા ખુલાસા થઇ રહ્યા છે, આ સમગ્ર કાંડની શરૂઆત રાજસ્થાનથી થઇ હતી, અહીંયા એક બિવાલ પરિવારના ત્રણ લોકોની ધરપકડ કરાઇ છે. જેમણે પેપર લીક કરાવીને પોતાના જ સંતાનોને આપ્યા હતા. જોકે આ પરિવારના અગાઉ પાંચ લોકો નીટ પાસ કરીને કોલેજોમાં એડમિશન લઇ ચુક્યા છે, પણ અભ્યાસમાં તેઓ શૂન્ય છે.
નીટ પેપર લીક કરવામાં ચર્ચામાં રહેલા બિવાલ પરિવારના બે લોકોએ આ વર્ષે જ્યારે પાંચે ગયા વર્ષે નીટની પરીક્ષા આપી હતી. જે પાંચ લોકોએ ગયા વર્ષે પરીક્ષા આપીને કોલેજોમાં એડમિશન લીધા છે તેમાંથી બે એવા છે કે જેઓ અભ્યાસમાં ઠોઠ છે.
તેઓ અગાઉની પરીક્ષાઓમાં એકદમ સામાન્ય માર્ક્સ સાથે પાસ થયા છે. તેથી હવે તપાસ એજન્સીઓ એ ચકાસણી કરી રહી છે કે શું આ પાંચ બાળકોને પણ નીટનું પેપર પરીક્ષા પહેલા જ આપી દેવાયું હતું?
એજન્સીઓને એવી પણ શંકા છે કે શું ગયા વર્ષે પણ નીટનું પેપર લીક થયું હતું કે કેમ, તાજેતરમાં એવા પણ અહેવાલ સામે આવ્યા હતા કે બિવાલ પરિવારના લોકો કે જેઓ હાલ કોલેજમાં અભ્યાસ કરી રહ્યા છે તેઓ છેલ્લા કેટલાક દિવસથી ગુમ થઇ ગયા છે.
દિનેશ અને માંગીલાલની ધરપકડ બાદ જ મેડિકલ કોલેજમાં પ્રથમ વર્ષનો વિદ્યાર્થી વિકાસ અચાનક જ ગાયબ થઇ ગયો હતો. આ વર્ષે જાન્યુઆરી મહિનાથી જ વિકાસ ગુમ હોવાની વાત સવાઇ માધોપુર મેડિકલ કોલેજના આચાર્યએ મીડિયાને જણાવી હતી.
