આ પણ વાંચો ટ્રેન્ડિંગ સમાચાર
મુંબઈ : ભારત અને યુરોપીય યુનિયન (ઈયુ) વચ્ચે ઐતિહાસિક ફ્રી ટ્રેડ ડિલ થતાં બન્ને વચ્ચેનો દ્વીપક્ષી વેપારમાં જંગી વધારો થવાની અપેક્ષા અને ભારત માટે નિકાસના નવા માર્ગો ખુલવાના પોઝિટીવ પરિબળે આજે ભારતીય શેર બજારોમાં ફરી તેજીનો સંચાર થયો હતો. યુરોપીય યુનિયન સાથે થયેલી વેપાર સંધિ બાદ હવે અમેરિકાનું ભારત પરત્વેનું જક્કી વલણ ઢીલું પડવાની અને ભારત-અમેરિકા વચ્ચે પણ ટ્રેડ ડિલ વાટાઘાટ આગળ વધવાની અપેક્ષાએ પણ ફંડોએ આજે મેટલ-માઈનીંગ, બેંકિંગ શેરોમાં તોફાની તેજીની આગેવાનીએ કેપિટલ ગુડઝ, ઓઈલ-ગેસ, આઈટી-સોફ્ટવેર સર્વિસિઝ શેરોમાં લેવાલી કરી હતી. અલબત યુરોપના દેશો થકી ભારતમાં ચાઈનીઝ ઓટોમોબાઈલ કંપનીઓની નિકાસોના દ્વાર ખુલવાની અને ભારતના ઉદ્યોગ માટે સ્પર્ધા વધવાની ધારણાએ અને કન્ઝયુમર ડયુરેબલ્સ ક્ષેત્રે પણ હરીફાઈ વધવાની શકયતાએ આજે બન્ને ક્ષેત્રીય કંપનીઓના શેરોમાં વેચવાલી રહી હતી. સેન્સેક્સ ૩૧૯.૭૮ પોઈન્ટ વધીને ૮૧૮૫૭.૪૮ અને નિફટી ૫૦ સ્પોટ ૧૨૬.૭૫ પોઈન્ટ વધીને ૨૫૧૭૫.૪૦ બંધ રહ્યા હતા.
મેટલ ઈન્ડેક્સની ૧૧૭૮ પોઈન્ટની છલાંગ ; જિન્દાલ સ્ટેનલેસ રૂ.૬૪, અદાણી રૂ.૯૮, સેઈલ રૂ.૭ ઉછળ્યા
યુરોપના દેશો સાથેની ભારતની ઐતિહાસિક વેપાર ડિલના પરિણામે ભારત-યુરોપ વચ્ચે સ્ટીલ, મેટલ સહિતમાં વેપાર વધવાની અપેક્ષાએ અને વિશ્વ બજારમાં કોપર સહિતના ભાવોમાં તેજીના પરિણામે ફંડોએ મેટલ-માઈનીંગ શેરોમાં આજે મોટી તેજી કરી હતી. જિન્દાલ સ્ટેનલેસ રૂ.૬૩.૯૫ ઉછળીને રૂ.૮૦૯.૬૦, અદાણી એન્ટરપ્રાઈસીઝ રૂ.૯૭.૫૫ વધીને રૂ.૧૯૬૦.૩૫, સેઈલ રૂ.૬.૭૫ વધીને રૂ.૧૫૫.૬૦, જેએસડબલ્યુ સ્ટીલ રૂ.૫૧.૫૦ વધીને રૂ.૧૨૨૦.૮૫, હિન્દુસ્તાન ઝિંક રૂ.૨૭.૭૫ વધીને રૂ.૭૨૬.૬૦, નાલ્કો રૂ.૧૪.૨૫ વધીને રૂ.૩૮૪.૭૦, એનએમડીસી રૂ.૨.૪૦ વધીને રૂ.૭૮.૮૦, વેદાન્તા રૂ.૨૧.૨૫ વધીને રૂ.૭૦૫.૬૫, એપીએલ અપોલો રૂ.૫૯.૮૫ વધીને રૂ.૨૦૬૦.૮૫, ટાટા સ્ટીલ રૂ.૪.૯૫ વધીને રૂ.૧૯૨.૫૦ રહ્યા હતા. બીએસઈ મેટલ ઈન્ડેક્સ ૧૧૭૮.૬૯ પોઈન્ટ ઉછળીને ૩૯૦૫૫.૯૬ બંધ રહ્યો હતો.
બેંકેક્સ ૮૪૦ પોઈન્ટ ઉછળ્યો ; એક્સિસ બેંક રૂ.૫૪ વધી રૂ.૧૩૧૪ ; ફેડરલ બેંક, પીએનબી, સ્ટેટ બેંક વધ્યા
બેંકિંગ-ફાઈનાન્સ શેરોમાં પણ આજે ફંડોએ ફરી મોટી તેજી કરી હતી. એક્સિસ બેંક ત્રિમાસિક પરિણામ પાછળ શેર રૂ.૫૪.૩૫ વધીને રૂ.૧૩૧૪.૪૫, ફેડરલ બેંક રૂ.૬.૫૦ વધીને રૂ.૨૮૫, પીએનબી રૂ.૨.૭૫ વધીને રૂ.૧૨૨.૯૦, સ્ટેટ બેંક ઓફ ઈન્ડિયા રૂ.૨૩.૫૦ વધીને રૂ.૧૦૫૨.૯૦, બેંક ઓફ બરોડા રૂ.૫.૯૫ વધીને રૂ.૩૦૨.૧૫, કેનેરા બેંક રૂ.૩ વધીને રૂ.૧૫૪.૭૫, યુનિયન બેંક ઓફ ઈન્ડિયા રૂ.૨.૮૫ વધીને રૂ.૧૭૫.૫૫, આઈસીઆઈસીઆઈ બેંક રૂ.૨૦ વધીને રૂ.૧૩૬૩.૩૫ રહ્યા હતા. બીએસઈ બેંકેક્સ ઈન્ડેક્સ ૮૪૦.૫૦ પોઈન્ટ ઉછળીને ૬૬૭૦૪.૧૭ બંધ રહ્યો હતો.
કેપિટલ ગુડઝ શેરોમાં ખરીદી ; ડાટાપેટર્ન રૂ.૧૧૭ ઉછળ્યો ; ભારત ડાયનામિક્સ, વારી એનજીૅ ઉછળ્યા
કેપિટલ ગુડઝ-પાવર શેરોમાં આજે સિલેક્ટિવ ખરીદી થઈ હતી. ભારત અને યુરોપીય યુનિયન વચ્ચે ટ્રેડ ડિલ નક્કી થઈ જતાં બન્ને દેશોને પાવર-કેપિટલ ગુડઝ ક્ષેત્રે પણ દ્વીપક્ષી વેપારમાં ફાયદો થવાની અપેક્ષાએ ફંડોએ તેજી કરી હતી. ડાટા પેટર્નસ રૂ.૧૧૬.૮૫ વધીને રૂ.૨૨૯૭.૯૫, ભારત ડાયનામિક્સ રૂ.૬૫ વધીને રૂ.૧૪૭૨.૭૦, વારી એનજીૅ રૂ.૯૬.૨૫ વધીને રૂ.૨૬૯૪.૦૫, પ્રીમિયમ એનજીૅ રૂ.૨૩.૫૫ વધીને રૂ.૭૦૭.૮૦, એઆઈએ એન્જિનિયરીંગ રૂ.૧૧૮.૮૦ વધીને રૂ.૩૮૪૮.૬૦, અપાર ઈન્ડસ્ટ્રીઝ રૂ.૧૭૮.૭૦ વધીને રૂ.૭૨૧૦.૮૫, કોચીન શિપ રૂ.૩૪.૮૦ વધીને રૂ.૧૫૨૨.૮૦, ભેલ રૂ.૫.૪૦ વધીને રૂ.૨૪૭.૯૦, મઝગાંવ ડોક રૂ.૩૫.૮૦ વધીને રૂ.૨૩૩૭.૨૫, આઈનોક્સ વિન્ડ રૂ.૧.૨૦ વધીને રૂ.૧૦૪.૭૫, એસ્ટ્રલ રૂ.૧૫.૮૦ વધીને રૂ.૧૪૦૦.૬૦ રહ્યા હતા. બીએસઈ કેપિટલ ગુડઝ ઈન્ડેક્સ ૪૯૮.૮૫ પોઈન્ટ વધીને ૬૨૨૮૦.૨૬ બંધ રહ્યો હતો.
વાહનોની આયાત સસ્તી થશે ; ઉદ્યોગને ફટકો પડશે ; ઓટો શેરોમાં મહિન્દ્રા રૂ.૧૪૮, હ્યુન્ડાઈ રૂ.૯૧ તૂટયો
ભારત અને યુરોપીય યુનિયન વચ્ચે ૧૯ વર્ષ બાદ ટ્રેડ ડિલ નક્કી થઈ જતાં અને હવે યુરોપથી ભારતમાં આયાત થતાં લકઝરી ઓટોમોબાઈલ કાર-વાહનો પરના ટેરિફને ૧૧૦ ટકાથી ઘટાડીને ૧૦ ટકા કરી દેવાતાં ભારતીય ઓટોમોબાઈલ ઉદ્યોગ માટે સ્પર્ધા વધવાના નેગેટીવ પરિબળે ફંડોએ ઓટો શેરોમાં વેચવાલી કરી હતી. મહિન્દ્રા એન્ડ મહિન્દ્રા રૂ.૧૪૮.૩૦ તૂટીને રૂ.૩૩૯૪.૩૦, હ્યુન્ડાઈ ઈન્ડિયા રૂ.૯૧.૦૫ તૂટીને રૂ.૨૧૭૩.૪૦, મારૂતી સુઝુકી રૂ.૨૨૮.૬૫ તૂટીને રૂ.૧૫,૨૪૦.૯૫, ટીઆઈ ઈન્ડિયા રૂ.૨૮.૬૦ ઘટીને રૂ.૨૧૯૧.૦૫, એમઆરએફ રૂ.૧૬૪૭.૯૫ ઘટીને રૂ.૧,૩૫,૮૪૩, ટાટા મોટર્સ પેસેન્જર વ્હીકલ રૂ.૩.૬૫ ઘટીને રૂ.૩૪૦.૫૫, એક્સાઈડ રૂ.૨ ઘટીને રૂ.૩૨૩.૨૦ રહ્યા હતા. બીએસઈ ઓટો ઈન્ડેક્સ ૫૭૫.૮૭ પોઈન્ટ તૂટીને ૫૮૯૮૦.૭૨ બંધ રહ્યો હતો.
આઈટી-સોફ્ટવેર શેરોમાં પસંદગીની તેજી ; ૬૩ મૂન્સ, રામકો સિસ્ટમ્સ, નેલ્કો, ટેક મહિન્દ્રામાં ફંડોની તેજી
આઈટી-સોફ્ટવેર સર્વિસિઝ ક્ષેત્રે પણ યુરોપીય યુનિયન સાથે ટ્રેડ ડિલ નક્કી થતાં પોઝિટીવ ડેવલપમેન્ટની અપેક્ષાએ ફંડોની આઈટી શેરોમાં પસંદગીની ખરીદી રહી હતી. ૬૩ મૂન્સ ટેકનોલોજી રૂ.૨૭.૧૫ વધીને રૂ.૬૧૬.૦૫, રામકો સિસ્ટમ્સ રૂ.૧૭.૮૦ વધીને રૂ.૪૨૪, નેલ્કો રૂ.૧૬.૮૦ વધીને રૂ.૬૧૩.૪૫, ટેક મહિન્દ્રા રૂ.૪૩.૯૦ વધીને રૂ.૧૭૪૫.૨૫, ડિ-લિન્ક ઈન્ડિયા રૂ.૯.૧૫ વધીને રૂ.૩૮૦.૧૦, સિએન્ટ રૂ.૨૩.૫૫ વધીને રૂ.૧૧૦૯.૪૦, એમ્ફેસીસ રૂ.૫૯.૮૦ વધીને રૂ.૨૮૦૯.૮૫, સિગ્નિટી ટેક રૂ.૩૨.૯૫ વધીને રૂ.૧૬૨૯.૧૫ રહ્યા હતા. બીએસઈ આઈટી ઈન્ડેક્સ ૨૪૪.૯૭ પોઈન્ટ વધીને ૩૭૧૪૧.૪૮ બંધ રહ્યો હતો.
ઓઈલ-ગેસ શેરોમાં પસંદગીનું આકર્ષણ જળવાયું ; ઓઈલ ઈન્ડિયા, બીપીસીએલ, આઈઓસી વધ્યા
ઓઈલ-ગેસ શેરોમાં પણ ફંડોની આજે પસંદગીનું આકર્ષણ જોવાયું હતું. ઓઈલ ઈન્ડિયા રૂ.૧૨.૩૫ વધીને રૂ.૪૪૮.૬૦, ભારત પેટ્રોલીયમ કોર્પોરેશન-બીપીસીએલ ત્રિમાસિક સારા પરિણામે રૂ.૮.૦૫ વધીને રૂ.૩૫૭.૩૫, આઈઓસી રૂ.૩ વધીને રૂ.૧૫૮.૯૫, ઓએનજીસી રૂ.૨.૫૦ વધીને રૂ.૨૪૮.૦૫, એચપીસીએલ રૂ.૪.૨૦ વધીને રૂ.૪૧૯.૫૦ રહ્યા હતા. બીએસઈ ઓઈલ-ગેસ ઈન્ડેક્સ ૨૪૬.૧૭ પોઈન્ટ વધીને ૨૭૦૧૨.૯૨ બંધ રહ્યો હતો.
કન્ઝયુમર ડયુરેબલ્સ આયાત સસ્તી થવાના નેગેટીવ પરિબળે ઘટયા ; એશીયન પેઈન્ટ, બ્લુ સ્ટાર ઘટયા
કન્ઝયુમર ડયુરેબલ્સમાં યુરોપથી થતી આયાત ટેરિફ ઘટતાં સસ્તી થવાના નેગેટીવ પરિબળે ફંડોએ આજે વેચવાલી કરી હતી. એશીયન પેઈન્ટ રૂ.૭૭.૩૫ ઘટીને રૂ.૨૬૨૪.૯૦, બ્લુ સ્ટાર રૂ.૩૦.૭૫ ઘટીને રૂ.૧૬૬૬.૮૦, બર્જ ર પેઈન્ટ રૂ.૯.૦૫ ઘટીને રૂ.૪૯૫.૩૫, ડિક્સન ટેકનોલોજી રૂ.૧૮૩.૫૫ ઘટીને રૂ.૧૦,૧૭૯.૭૫ રહ્યા હતા. બીએસઈ કન્ઝયુમર ડયુરેબલ્સ ઈન્ડેક્સ ૬૬૮.૭૬ પોઈન્ટ ઘટીને ૫૬૧૭૯.૮૫ બંધ રહ્યો હતો.
સ્મોલ કેપ, મિડ કેપ શેરોમાં સતત વિશ્વાસની કટોકટીએ વેચવાલીનું દબાણ ; ૨૫૧૦ શેરો નેગેટીવ બંધ
ભારત -યુરોપીય યુનિયન વચ્ચે ઐતિહાસિક ટ્રેડ ડિલ થવાની સેન્સેક્સ, નિફટી બેઝડ શેરોમાં પોઝિટીવ અસર સામે વિશ્વાસની કટોકટી અને કેટલાક ભારતીય ઉદ્યોગો-કંપનીઓને નુકશાન પણ થવાના અંદાજોએ સ્મોલ, મિડ કેપ શેરોમાં આજે ફંડોએ વેચવાલી ચાલુ રાખતાં માર્કેટબ્રેડથસતત ખરાબ રહી હતી. બીએસઈમાં કુલ ટ્રેડિંગ થયેલી ૪૪૮૪ સ્ક્રિપોમાંથી ઘટનારની સંખ્યા ૨૫૧૦ અને વધનારની સંખ્યા ૧૮૦૩ રહી હતી.
શેરોમાં રોકાણકારોની સંપતિ-માર્કેટ કેપિટલાઈઝેશન રૂ.૨.૧૧ લાખ કરોડ વધીને રૂ.૪૫૩.૬૭ લાખ કરોડ
સેન્સેક્સ, નિફટી બેઝડ તેજી સાથે એ ગુ્રપના શેરોમાં સિલેક્ટિવ મોટી ખરીદી થતાં રોકાણકારોની સંપતિ એટલે કે બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશન આજે એક દિવસમાં રૂ.૨.૧૧ લાખ કરોડ વધીને રૂ.૪૫૩.૬૭ લાખ કરોડ રહ્યું હતું.
