આ પણ વાંચો ટ્રેન્ડિંગ સમાચાર
Gujarat school vacation extension: ગુજરાતમાં અસહ્ય ગરમી અને હિટવેવનો પ્રકોપ વધ્યો છે. અનેક શહેરોમાં તાપમાનનો પારો 40થી 44 ડિગ્રી આસપાસ પહોંચી જતાં સ્કૂલોમાં ઉનાળુ વેકેશન લંબાવવાની માંગ ઉઠી છે. આ અંગે શાળા સંચાલક મહામંડળે સરકારને રજૂઆત કરીને વેકેશન વધુ 10 દિવસ લંબાવવા અપીલ કરી છે.
વેકેશન 10 દિવસ લંબાવવા માંગ: 18 જૂનથી સ્કૂલો શરૂ કરવા રજૂઆત
ગુજરાત શિક્ષણ બોર્ડ અને પ્રાથમિક શિક્ષણ વિભાગના એકેડેમિક કેલેન્ડર મુજબ ધો. 1થી 8ની અને ધો. 9થી 12ની સ્કૂલોમાં 7મી જૂન સુધી ઉનાળુ વેકેશન છે. 8મી જૂનથી ગુજરાત શિક્ષણ બોર્ડ હેઠળની સરકારી, ગ્રાન્ટેડ અને ખાનગી સહિતની તમામ સ્કૂલોમાં 90 લાખથી વધુ બાળકો માટે નવું શૈક્ષણિક સત્ર શરૂ થઈ રહ્યું છે. પરંતુ ગુજરાતમાં ગરમીનું પ્રમાણ ખૂબ જ વધુ હોય અને અસહ્ય તાપ સાથે હિટવેવ પણ હોવાથી ઉનાળુ વેકેશન લંબાવવા માટે માંગણી કરવામાં આવી છે. બપોરના સમયે ખૂબ જ આકરો તાપ અને ગરમી હોઈ બપોરની પાળીમાં ચાલતી સ્કૂલોમાં જતા બાળકો તેમજ વાલીઓ હેરાન થાય તેમ છે.
આ પણ વાંચો: ગુજરાતના 12 જિલ્લામાં 4 દિવસ વરસાદ અને વાવાઝોડું: 40થી 50 કિમી પ્રતિકલાકે પવન ફૂંકાશે
પેટ્રોલ-ડીઝલની અછત વચ્ચે ઓનલાઈન શિક્ષણનો વિકલ્પ
શાળા સંચાલક મહામંડળે સરકારને રજૂઆત કરી છે કે સ્કૂલોમાં ઉનાળુ વેકેશન 10 દિવસ માટે લંબાવવામાં આવે એટલે કે 18 જૂનથી સ્કૂલો શરૂ કરવામાં આવે. આ ઉપરાંત અમેરિકા-ઈરાન યુદ્ધની સ્થિતિમાં પેટ્રોલ-ડિઝલની અછત વચ્ચે વડાપ્રધાને જ્યાં ઓનલાઈન શિક્ષણનું પણ સૂચન કર્યું હોઈ સ્કૂલોમાં ઓનલાઈન શિક્ષણ માટે સંચાલક મંડળે સહમતી દર્શાવી છે. કારણકે પેટ્રોલ-ડીઝલના અને સીએનજીના ભાવ વધવા સાથે સ્કૂલ વેન-સ્કૂલ રીક્ષા ચાલકો પણ મુશ્કેલીમાં મુકાયા છે. જો કે સરકાર દ્વારા હજુ સુધી ઓનલાઈન શિક્ષણ માટે કોઈ નિર્ણય લેવાયો નથી કે કોઈ પ્રકારની જાહેરાત કરાઈ નથી.
