આ પણ વાંચો ટ્રેન્ડિંગ સમાચાર
પશ્ચિમ રેલવેના ભાવનગર મંડળમાં મંડળ રેલ પ્રબંધક શ્રી દિનેશ વર્માના માર્ગદર્શન તથા રેલવે બોર્ડના પર્યાવરણ સંરક્ષણ સંબંધિત નિર્દેશો અનુસાર વિશ્વ પર્યાવરણ દિવસના અવસરે તા. 05 જૂન, 2026ના રોજ મંડલ રેલવે હોસ્પિટલ, ભાવનગર (DRH/BVP)ના બગીચા પરિસરમાં પર્યાવરણ સંરક્ષણ પ્રત્યે જાગૃતિ વધારવાના હેતુથી વિવિધ કાર્યક્રમોનું આયોજન ઉત્સાહ અને ઉમંગભેર કરવામાં આવ્યું હતું.
કાર્યક્રમનો મુખ્ય હેતુ તબીબો તથા કર્મચારીઓમાં પર્યાવરણ સંરક્ષણ, જળ સંરક્ષણ અને સ્વચ્છતા પ્રત્યે જવાબદારીની ભાવના મજબૂત બનાવવાનો હતો.
કાર્યક્રમની શરૂઆત તમામ ઉપસ્થિત કર્મચારીઓ અને તબીબો દ્વારા પર્યાવરણ સંરક્ષણની સામૂહિક પ્રતિજ્ઞા સાથે કરવામાં આવી હતી. ત્યારબાદ ભાગ લેનારાઓને ટીમ A, ટીમ B, ટીમ C અને ટીમ D એમ ચાર ટીમોમાં વહેંચી પર્યાવરણ વિષયક વિવિધ રસપ્રદ અને જ્ઞાનવર્ધક સ્પર્ધાઓનું આયોજન કરવામાં આવ્યું હતું.
કાર્યક્રમ અંતર્ગત “Carry Water Carefully Challenge”, “Waste Segregation Competition”, “Green Treasure Hunt” તથા “Environment Puzzle Challenge” જેવી પ્રવૃત્તિઓ યોજાઈ હતી. આ સ્પર્ધાઓ દ્વારા જળ સંરક્ષણ, કચરાના યોગ્ય વિભાજન, પર્યાવરણ પ્રત્યેની જાગૃતિ, સંસાધનોના સમજદારીપૂર્વક ઉપયોગ તથા સમસ્યા-નિવારણ કૌશલ્યને પ્રોત્સાહન આપવામાં આવ્યું હતું.
તમામ પ્રતિભાગીઓએ ઉત્સાહ, રમતગમતની ભાવના અને ટીમવર્કનું ઉત્તમ પ્રદર્શન કરતાં સ્પર્ધાઓમાં સક્રિય ભાગ લીધો હતો તથા પર્યાવરણ સંરક્ષણ સંબંધિત મહત્વપૂર્ણ સંદેશાઓને વ્યવહારિક રીતે આત્મસાત કર્યા હતા.
તમામ સ્પર્ધાઓના સંયુક્ત મૂલ્યાંકનના આધારે ડૉ. મોનિકાના નેતૃત્વ હેઠળની ટીમ D એ શ્રેષ્ઠ પ્રદર્શન કરી પ્રથમ સ્થાન પ્રાપ્ત કર્યું હતું અને “ગ્રીન ચેમ્પિયન–2026”નો ખિતાબ પોતાના નામે કર્યો હતો. કાર્યક્રમના સમાપન પ્રસંગે વિજેતા ટીમને સન્માનિત કરવામાં આવી હતી.
આ આયોજન માત્ર મનોરંજન અને સહભાગિતાનું માધ્યમ જ નહોતું, પરંતુ પર્યાવરણ સંરક્ષણ પ્રત્યેની સામૂહિક જવાબદારી અને જનજાગૃતિને વધુ મજબૂત બનાવવામાં પણ સફળ રહ્યું હતું. કાર્યક્રમનો સમાપન આભારવિધિ અને સમૂહ ફોટોગ્રાફ સાથે કરવામાં આવ્યો હતો.
“પ્રકૃતિનું રક્ષણ – માનવતાનું સંરક્ષણ”ના સંદેશ સાથે તમામ પ્રતિભાગીઓએ પર્યાવરણ સંરક્ષણ માટે સતત પ્રયત્નશીલ રહેવાનો સંકલ્પ વ્યક્ત કર્યો હતો.
