આ પણ વાંચો ટ્રેન્ડિંગ સમાચાર
Vadodara Cattle Party : વડોદરાના ખોડીયાર નગર રોડ ઉપર વૈકુંઠ સોસાયટીમાં રહેતા શશીકાંત શર્મા કોર્પોરેશનની દબાણ અને સિક્યુરિટી વિભાગમાં પૂર્વ ઝોનમાં સુપરવાઇઝર છે બાપોદ પોલીસ સ્ટેશનમાં તેમણે ફરિયાદ નોંધાવી જણાવ્યું છે કે ગઈકાલે અમે ડ્યુટી પર હતા બપોરે 12:30 વાગે બાપોદ પોલીસ સ્ટેશનની પાછળ જાહેર માર્ગ પર બે ગાયો રખડતી હોય જેથી અમારા સ્ટાફે જઈને ગાયને ગાર્ડન કરી બાપોદ પોલીસ સ્ટેશન નજીક આવેલા ખુલ્લા મેદાનમાં લઈ જતા હતા. તે વખતે ભનુ ભરવાડ સહિત બે આરોપીઓ આવ્યા હતા અને સ્ટાફને ગાળો બોલી ઝપાઝપી કરી ગાયોને છોડવાની કોશિશ કરતા હતા. જેથી હું તેઓને સમજાવવા જતા મને પણ ગાળો બોલી મારી સાથે ઝપાઝપી કરી જાનથી મારી નાખવાની ધમકી આપી હતી. તે દરમિયાન આરોપીઓ અમે કોર્ડન કરેલી ગાયો ભગાડીને લઈ ગયા હતા.
