આ પણ વાંચો ટ્રેન્ડિંગ સમાચાર
પશ્વિમ રેલવેના વડોદરા રેલવે સ્ટેશન પર યાર્ડ રિ-મોડલિંગ સાથે ઈલેક્ટ્રોનિક ઈન્ટરલોકિંગ સિસ્ટમ સ્થાપિત કાર્ય માટે આવતીકાલથી ટ્રાફિક અને પાવર બ્લોક લેવામાં આવ્યો છે,
જેના પરિણામે તા.૨૧જૂનથી ૮ જુલાઈ સુધી કેટલીક ટ્રેનોના સંચાલન પર અસર થશે. આથી વડોદરા- કોટા, કોટા-વડોદરા એક્સપ્રેસ છાયપુરી સ્ટેશનથી તથા વડોદરા-અમદાવાદ, અમદાવાદ- વડોદરા ઈન્ટરસિટી બાજવાથી અને વડોદરા- દાહોદ, દાહોદ-વડોદરા મેમુ છાયાપુરીથી અવર-જવર કરશે.તેવી જ રીતે વડોદરા- ગોધરા મેમુ છાયાપુરી સ્ટેશનથી ઉપડશે.
વડોદરા-વટવા,વટવા- વડોદરા મેમુ બાજવા સ્ટેશનથી અવર-જવર કરશે. વડોદરા-સુરત, સુરત-વડોદરા મેમુ વિશ્વામિત્રી સ્ટેશનથી અવર-જવર કરશે. વડોદરા -વલસાડ ઈન્ટરસિટી એક્સપ્રેસ બાજવા સ્ટેશનથી સાંજે ૪:૪૫ વાગ્યે ઉપડશે. વલસાડ-વડોદરા, વડોદરા-વલસાડ પેસેન્જર ટ્રેન મકરપુરા સ્ટેશન પરથી અવર-જવર કરશે.
વડોદરા- વટવા પેસેન્જર પ્રતાપનગર સ્ટેશન પરથી સવારે ૫:૪૦ વાગ્યે ઉપડશે. તેમજ આ ટ્રેન તા. ૨૯,૩૦ જૂન અને૧ જુલાઈએ રદ રહેશે. વડોદરા-જામનગર ઈન્ટરસિટી અને જામનગર-વડોદરા પેસેન્જર ટ્રેનો બાજવાથી અવર-જવર કરશે.
