આ પણ વાંચો ટ્રેન્ડિંગ સમાચાર
Silver and Gold Price Crash : બુલિયન માર્કેટમાં આજે એક ઐતિહાસિક કડાકો જોવા મળ્યો છે. સોના અને ચાંદીના ભાવ આસમાનેથી જમીન પર પટકાયા હોય તેવી સ્થિતિ સર્જાઈ છે. વૈશ્વિક બજારની અસર અને સ્થાનિક સ્તરે મોટા પ્રોફિટ બુકિંગને કારણે આજે સોના અને ચાંદીના ભાવમાં મોટો ઘટાડો નોંધાયો છે. ખાસ કરીને ચાંદીમાં આવેલો કડાકો બજારના નિષ્ણાતોને પણ ચોંકાવી રહ્યો છે.
સોનાના ભાવનું વિશ્લેષણ
સોનાના ભાવમાં ગત બંધ ભાવની સરખામણીએ મોટું ગાબડું જોવા મળ્યું છે:
ગઈકાલનો બંધ ભાવ (Prev. Close): ₹1,83,962.00
આજનો ઓપન ભાવ (Open): ₹1,80,499.00
વર્તમાન ટ્રેડિંગ ભાવ: ₹1,67,406
આજનો કુલ ઘટાડો: સમાચાર લખવા સુધીમાં સોનામાં અત્યાર સુધીમાં ₹16,556.00 (-9%) નો જંગી કડાકો આવ્યો છે. દિવસ દરમિયાન સોનું નીચામાં ₹1,67,406 સુધી પણ ગયું હતું. જેના પરથી આજનો કુલ ઘટાડો 16556ને સ્પર્શી ચૂક્યો છે.
ચાંદીના ભાવનું વિશ્લેષણ
ચાંદીના ભાવમાં આજે સૌથી ભયાનક ઘટાડો જોવા મળ્યો છે:
ગઈકાલનો બંધ ભાવ (Prev. Close): ₹3,99,893.00
આજનો ઓપન ભાવ (Open): ₹3,83,898.00
વર્તમાન ટ્રેડિંગ ભાવ: ₹3,39,910.00
આજનો કુલ કડાકો: ચાંદીના ભાવમાં ગત બંધ ભાવથી અત્યાર સુધીમાં કુલ ₹59983.00 (-15%) નો ઘટાડો નોંધાયો છે. આ આંકડો ગઈકાલના ક્લોઝિંગ ભાવને આધારિત છે.
ઘટાડાનું કારણ
બજારના વિશ્લેષકોના મતે, સોનું અને ચાંદી જે રીતે રેકોર્ડ હાઈ પર હતા, ત્યાંથી મોટા રોકાણકારોએ નફો બુક કરવાનું શરૂ કર્યું છે. આ ઉપરાંત ડોલર ઇન્ડેક્સમાં મજબૂતી અને આંતરરાષ્ટ્રીય સ્તરે બદલાતા આર્થિક સમીકરણોને કારણે કિંમતી ધાતુઓના ભાવમાં આ સળવળાટ જોવા મળી રહ્યો છે. જોકે કેટલાક નિષ્ણાતો એવો દાવો કરે છે કે અમેરિકામાં ફેડના ચેરમેનનો કાર્યકાળ પૂર્ણ થવા જઇ રહ્યો છે. તેમનાથી ટ્રમ્પ પહેલાથી જ નારાજ હતા. જોકે હવે ટ્રમ્પ જેમને નવા ફેડ ચેરમેન બનાવવા માગે છે તેમની નીતિઓ કડક હોય છે અને તે પોલિસી રેટને હાઈ રાખવામાં માને છે. જો એવું થશે તો તે સોના અને ચાંદીના બજાર માટે સુરક્ષિત નહીં મનાય એટલા માટે જ સોના-ચાંદીના બજારમાં કડાકો દેખાઈ રહ્યો છે.
