બોટાદ જિલ્લા ભાજપ સંગઠનની નવી ટીમ જાહેર – અલ્પાબા ચુડાસમાનું કદ વધ્યું.

બોટાદ જિલ્લા ભાજપ સંગઠનના નવા ઉપપ્રમુખો, મહામંત્રીઓ અને વિવિધ મોરચાના પ્રમુખો અને હોદ્દેદારોની જાહેરાત : ગત ટર્મ ઉપપ્રમુખ અલ્પાબા વિજયસિંહ ચુડાસમા ફરીવાર એકમાત્ર રિપીટ ઉપપ્રમુખ બન્યા

અલ્પાબા ચુડાસમા, પ્રભાતસંગ રાઠોડ, પાલજીભાઈ પરમાર સહિત 8 ઉપપ્રમુખોની નિમણૂંક કરવામાં આવી છે. જયારે મહામંત્રી તરીકે દીપકભાઈ સાબવા, વનરાજસિંહ ડાભી, વિજયભાઈ ધલવાણીયાની વરણી કરવામાં આવી છે

જયારે વિજયભાઈ ખાચર, રામજીભાઈ માંગુડા, ચંદ્રકાન્તભાઈ લાઠીગરા, ભાવનાબેન ઉમરાળીયા સહિત 8 મંત્રીની નિમણુંક કરવામાં આવી છે, આ સાથે કોષાધ્યક્ષ કાર્યાલય મંત્રી તેમજ મીડિયા વિભાગ સહિત કુલ 21 હોદ્દેદારોની જિલ્લાની ટીમ જાહેર કરવામાં આવી છે.

આ ઉપરાંત યુવા મોરચા, મહિલા મોરચા, અનુસૂચિત જાતિ મોરચા, લઘુમતી મોરચા અને બક્ષીપંચ મોરચાના, સોશિયલ મિડિયા વિભાગ પ્રમુખ, કિસાન મોરચો સહિતના

વિવિધ મોરચાના પ્રમુખ, મહામંત્રી હોદ્દેદારોની પણ કરાઈ વરણી કરવામાં આવી છે. અત્રે ઉલ્લેખનીય છે કે જિલ્લા ભાજપના એકમાત્ર હોદ્દેદાર અલ્પાબા વિજયસિંહ ચુડાસમાને પોતાના હોદ્દા પર રિપીટ કરાયા, જેમાં ઉપપ્રમુખ અલ્પાબા વિજયસિંહ ચુડાસમા(ટીંબલાવાળા) ને સતત બીજી વખત ઉપપ્રમુખ પદે રિપીટ કરાતા તેઓનું કદ જિલ્લા ભાજપ સંગઠન માં ખૂબ જ વધ્યું છે, તો ગત ટર્મના 2 મંત્રીઓને ઉપપ્રમુખ બનાવાયા, તો આ સિવાયની આખી ટીમ નવી જાહેર કરવા માં આવી છે.