મુંબઈ : મુંબઈ ઝવેરી બજારમાં આજે સોના-ચાંદીના ભાવમાં ઉછાળા ઉભરા જેવા નિવડતાં ભાવ ફરી તૂટયા હતા. નવા વેપાર ધીમા હતા. વિશ્વ બજાર ગબડતાં ઘરઆંગણે ઈમ્પોર્ટ કોસ્ટ નીચી ઉતરતાં બજાર ભાવ દબાણ હેઠળ જોવા મળ્યા હતા. વિશ્વ બજારમાં ડોલર ઈન્ડેક્સ ઉંચકાતાં વૈશ્વિક સોનામાં ફંડોનું સેલીંગ૯ વધ્યાના સમાચાર હતા.
દરમિયાન, અમદાવાદ ઝવેરી બજારમાં આજે સોનાના ભાવ ૧૦ ગ્રામના રૂ.૨૦૦૦ તૂટયા હતા. જ્યારે અમદાવાદ ચાંદીના ભાવ કિલોના રૂ.૫૦૦૦ તૂટયા હતા. વિશ્વ બજારમાં સોનાના ભાવ ઔંસના ૪૨૦૬થી ૪૨૦૭ ડોલરવાળા ઘટી નીચામાં ભાવ ૪૦૯૧ થઈ ૪૧૨૫થી ૪૧૨૬ ડોલર રહ્યા હતા. અમદાવાદ બજારમાં આજે સોનાના ભાવ ઘટી ૯૯૫ના રૂ૧૪૯૨૦૦ તથા ૯૯૯ના રૂ.૧૪૯૫૦૦ રહ્યા હતા.
જ્યારે અમદાવાદ ચાંદીના ભાવ ઘટી રૂ.૨૩૫૦૦૦ બોલાયા હતા. દરમિયાન, વિશ્વ બજારમાં આજે સોના પાછળ ચાંદીના ભાવન ઔંસના ૬૬.૨૮ વાળા ઘટી નીચામાં ભાવ ૬૧.૮૧ થઈ ૬૨.૨૪થી ૬૨.૨૫ ડોલર રહ્યા હતા.
વિશ્વ બજારમાં આજે બ્રેન્ટ ક્રૂડના ભાવ બેરલના ૭૯.૦૭ વાળા ઘટી નીચામાં ભાવ ૭૬.૪૩ થઈ ૭૭.૬૯ ડોલર રહ્યા હતા. યુએસ ક્રૂડના ભાવ ૭૫.૨૦ વાળા નીચામાં ભાવ ૭૨.૪૮ થઈ ૭૩.૭૦ ડોલર રહ્યા હતા.
પ્લેટીનમના ભાવ પણ ૧૬૫૫ ડોલરના ભાવ રહ્યા હતા. પેલેડીયમના ભાવ ૧૨૪૨ ડોલર રહ્યા હતા. વૈશ્વિક કોપરના ભાવ આજે ૩.૨૦ ટકા તૂટયા હતા. દરમિયાન, મુંબઈ બુલિયન બજારમાં આજે સોનાના ભાવ રૂ.૨૨૦૦ તૂટયા હતા જ્યારે ચાંદીના મુંબઈ બુલિયન બજારં આજે રૂ.૧૦ હજાર ગબડયા હતા.
મુંબઈ બુલિયન બજારમાં સોનાના ભાવ ઘટી જીએસટી વગર ૯૯૫ના રૂ.૧૪૪૪૧૫ તથા ૯૯૯ના ભાવ રૂ.૧૪૪૯૯૫ રહ્યા હતા.મુંબઈ પ્લેટીનમના ભાવ ૧૦ ગ્રામના રૂ.૫૯૩૪૩ વાળા નીચામાં ભાવ રૂ.૫૫૫૩૫ થઈ રૂ.૫૮૧૮૦ રહ્યા હતા.
