આ પણ વાંચો ટ્રેન્ડિંગ સમાચાર
અમદાવાદ : શેરબજારોની શરૂઆત કેલેન્ડર વર્ષ ૨૦૨૬ ની નબળી રહી છે. તેઓએ જાન્યુઆરીમાં એક દાયકામાં સૌથી નબળું પ્રદર્શન કર્યું છે. સેન્સેક્સ અને નિફ્ટી બંને ૩% થી વધુ ઘટયા હતા, જે ૨૦૧૬ પછીનું તેમનું સૌથી ખરાબ પ્રદર્શન હતું.
સેન્સેક્સ માટે, ફેબુ્રઆરી ૨૦૨૫ પછી કોઈપણ કેલેન્ડર મહિનામાં આ સૌથી નબળું વળતર હતું, જ્યારે નિફ્ટી માટે, તે જુલાઈ ૨૦૨૫ પછીનું સૌથી ખરાબ હતું. નિફ્ટી મિડકેપ ૧૦૦ અને નિફ્ટી સ્મોલકેપ ૧૦૦ અનુક્રમે ૩.૪% અને ૪.૭% ઘટયા હતા.
આ મહિના દરમિયાન બજાર મૂડીમાં (માર્કેટ કેપ-રોકાણકારોની સંપતિ) લગભગ રૂ. ૧૬ લાખ કરોડનો ઘટાડો થયો હતો, જે ફેબુ્રઆરી ૨૦૨૫ પછીનો સૌથી મોટો ઘટાડો છે.
રૂપિયામાં સતત ઘટાડા અને નિરાશાજનક કોર્પોરેટ કમાણી વૃદ્ધિ વચ્ચે, વિદેશી પોર્ટફોલિયો રોકાણકારો દ્વારા ભારે આઉટફ્લોને કારણે શેરોમાં ભારે વેચવાલી રહી હતી.
વિદેશી પોર્ટફોલિયો રોકાણકારોએ આ મહિને રૂ. ૩૧,૦૦૦ કરોડથી વધુ મૂલ્યના શેર વેચ્યા હતા, જે ઓગસ્ટ ૨૦૨૫ પછીનો સૌથી વધુ મોટો આંકડો છે.
તેનાથી વિપરીત, ભારતના ઉભરતા બજાર સમકક્ષોએ સારું પ્રદર્શન કર્યું છે. જાન્યુઆરીમાં, બ્રાઝિલના બજારમાં ૧૪ ટકા, દક્ષિણ કોરિયાના બજારમાં ૨૪ ટકા અને તાઇવાનના બજારમાં ૧૧ ટકાનો વધારો થયો હતો.
