આ પણ વાંચો ટ્રેન્ડિંગ સમાચાર
Botad Ranpur Accident news : બોટાદથી એક દુઃખદ સમાચાર સામે આવ્યા છે. અહીં રાણપુરની કિનારા ચોકડી પર એક ટ્રકની અડફેટે ઈકો કારનો કચ્ચરઘાણ વળી જતાં 3 લોકોના કમકમાટીભર્યા મોત નીપજ્ય હતા. આ અકસ્માતમાં અન્ય 4 લોકો ઈજાગ્રસ્ત થયાની માહિતી સામે આવી રહી છે.
મોડી રાતે સર્જાયો ગમખ્વાર અકસ્માત
આ અકસ્માતની જાણકારી મળતાં જ મામલતદાર સહિત પોલીસ કાફલો અને એમ્બ્યુલન્સ ઘટનાસ્થળે ધસી આવી હતી અને ઘાયલોને તાત્કાલિક હોસ્પિટલ સારવાર અર્થે ખસેડવામાં આવ્યા હતા. ભયાનક અકસ્માતને પગલે મોટો ટ્રાફિક જામ સર્જાયો હતો. આ ઈકો કાર જેનો નંબર MP 09 DK 4398 હોવાની જાણકારી મળી રહી છે તે મધ્યપ્રદેશના પનાલા ગામથી રાણપુરના કુંડળી ગામે આવી રહી હતી. આ કારમાં સવાર ખેતશ્રમિકો હોવાની માહિતી છે. આ મામલે હાલ પોલીસ તપાસ કરી રહી છે.
