આ પણ વાંચો ટ્રેન્ડિંગ સમાચાર
Today Gold and Silver Rates : સ્થાનિક અને વૈશ્વિક બજારમાં કિંમતી ધાતુઓના ભાવમાં આજે ધરખમ ઉછાળો જોવા મળ્યો છે. મલ્ટી કોમોડિટી એક્સચેન્જ (MCX) પર સોના અને ચાંદી બંનેમાં મોટી ઉથલ-પાથલ નોંધાઈ છે. ખાસ કરીને ચાંદીના ભાવમાં એક જ દિવસમાં રૂ. 32,000થી વધુનો વધારો થયો છે.
ચાંદીમાં રૂ. 32,289ની તોતિંગ ઉથલ-પાથલ
MCX ફ્યુચર માર્કેટમાં ચાંદીના ભાવમાં આજે તોફાની તેજી જોવા મળી છે. ચાંદી રૂ. 2,45,711ના સ્તરે ખુલ્યા બાદ દિવસ દરમિયાન રૂ.2,78,000ની ઊંચી સપાટીએ પહોંચી હતી. રાત્રે 9:30 વાગ્યા સુધીમાં ચાંદી રૂ. 2,75,890 પર ટ્રેડ થઈ રહી છે. પાછલા બંધ રૂ. 2,36,261ની સરખામણીએ બજારમાં દિવસ દરમિયાન રૂ. 32,289 જેવી મોટી વધ-ઘટ નોંધાઈ છે.
આ પણ વાંચો : 426 કિલોગ્રામ વજનની ગાંધીજીની પ્રતિમા ચોરાઈ
સોનાના ભાવમાં 6500ની ઉથલ-પાથલ
સોનાના ભાવમાં પણ આજે તેજીનો કરંટ જોવા મળ્યો છે. MCX ગોલ્ડ ફ્યુચર આજે રૂ. 1,48,000 પર ખુલ્યું હતું. ત્યારબાદ દિવસ દરમિયાન ચાંદીના ભાવ રૂ. 1,53,806 સુધી પહોંચીને નીચામાં 1,47,215 પર નોંધાયા છે. રાત્રે 9:30 વાગ્યા સુધીમાં સોનું રૂ. 1,53,200 પર ટ્રેડ કરી રહ્યું છે. ગઈકાલના બંધ ભાવ રૂ. 1,43,991ની સામે આજે સોનામાં રૂ. 6,591ની ઉથલ-પાથલ જોવા મળી છે.
ઈન્ટરનેશનલ માર્કેટમાં પણ સોનાના ભાવમાં ઉછાળો
વૈશ્વિક બજારની વાત કરીએ તો, ઈન્ટરનેશનલ માર્કેટમાં સોનાના ભાવમાં મોટો ઉછાળો આવ્યો છે. સોનું આજે $4,931.72 પર ટ્રેડ થઈ રહ્યું છે, જે દિવસ દરમિયાન $4,948.24ની ઊંચી સપાટીએ પહોંચ્યું હતું. ઉલ્લેખનીય છે કે સોનાનો 52 સપ્તાહનો હાઈ $5,595.51 છે. વૈશ્વિક અસ્થિરતા અને વધતી જતી માંગને કારણે બજારમાં આ પ્રકારની તેજી જોવા મળી રહી હોવાનું નિષ્ણાતો માની રહ્યા છે.
આ પણ વાંચો : ટેસ્ટ ક્રિકેટના નિયમો બદલાયા, ‘બન્ની હોપ’ પર પ્રતિબંધ
