આ પણ વાંચો ટ્રેન્ડિંગ સમાચાર
Huge Arms Haul in Godhra: પંચમહાલ જિલ્લાના ગોધરા શહેરમાં ગેરકાયદે હથિયારોના સંગ્રહ અને વેચાણ સામે પોલીસે લાલઆંખ કરી છે. ગોધરા SOG અને શહેર બી ડિવિઝન પોલીસે બાતમીના આધારે સંયુક્ત દરોડા પાડીને વચલા ઓઢા અને સીમલા વિસ્તારમાંથી ડબલ બેરલ બંદૂક સહિતના હથિયારોનો મોટો જથ્થો ઝડપી પાડ્યો છે. આ કેસમાં પોલીસે એક આરોપીની ધરપકડ કરી અન્ય એક શખસને વોન્ટેડ જાહેર કર્યો છે.
મકાન અને દુકાનમાં પોલીસના દરોડા
પોલીસને ચોક્કસ માહિતી મળી હતી કે શહેરના વચલા ઓડા વિસ્તારમાં હથિયારોનો સંગ્રહ કરવામાં આવ્યો છે. આ બાતમીના આધારે પોલીસે અહેમદ હુસેન યુસુફ મોહનના મકાન પર દરોડો પાડ્યો હતો. ત્યારબાદ સીમલા વિસ્તારમાં આવેલી તેની દુકાનમાં પણ તપાસ હાથ ધરી હતી. આ બંને સ્થળોએથી પોલીસને ગેરકાયદે હથિયારો અને વિસ્ફોટક સામગ્રી મળી આવી હતી. પોલીસે સ્થળ પરથી અંદાજે 1.33 લાખ રૂપિયાની કિંમતનો મુદ્દામાલ જપ્ત કર્યો છે, જેમાં બંદૂકો 2 નંગ ડબલ બેરલ બંદૂક. 4 જીવતા કારતૂસ અને 11 ખાલી કારતૂસ અને છરા ભરેલા 6 ડબ્બા મળી આવ્યા હતા.
આ પણ વાંચો: ગુજરાત ડ્રગ્સનું હબ બન્યું, છેલ્લા 6 વર્ષમાં 1.30 કિલોનો જથ્થો ઝડપાયો, દરિયા કિનારા હેરાફેરીનું એપી સેન્ટર
સપ્લાયર હુસેન મીઠા પોલીસ ચોપડે વોન્ટેડ
ઝડપાયેલા આરોપી અહેમદ હુસેનની પ્રાથમિક પૂછપરછમાં ચોંકાવનારો ઘટસ્ફોટ થયો છે. તેણે આ હથિયારો ભિલોડિયા પ્લોટ વિસ્તારમાં રહેતા હુસેન મીઠા પાસેથી મેળવ્યા હતા. પોલીસના જણાવ્યા મુજબ, હુસેન મીઠા અગાઉ પણ ગુનાહિત પ્રવૃત્તિઓમાં સામેલ રહ્યો છે. હાલમાં તે ફરાર હોવાથી પોલીસે તેને ઝડપી પાડવા ચક્રો ગતિમાન કર્યા છે.
