આ પણ વાંચો ટ્રેન્ડિંગ સમાચાર
Silver and Gold Price News : આજે શુક્રવારે વાયદા બજાર ખુલતાની સાથે જ સોના અને ચાંદીના બજારમાં મનધડક વધઘટનો સિલસિલો યથાવત છે. ફેબ્રુઆરી 2026ના પ્રથમ સપ્તાહમાં જ રોકાણકારોએ ભાવમાં ભારે વલોણું જોયું છે. 6 ફેબ્રુઆરી 2026 ના રોજ બજાર ખુલતાની સાથે જ ચાંદીના ભાવમાં મોટો કડાકો જોવા મળ્યો હતો, જ્યારે સોનાના ભાવ પણ એક તબક્કે નીચે ઉતરીને ફરી રિકવર થયા છે.
MCXમાં શું છે સોના-ચાંદીની સ્થિતિ?
વૈશ્વિક બજારોમાં નબળા સંકેતો અને નફાખોરીને કારણે ભારતીય કોમોડિટી માર્કેટ (MCX) માં આજે ફરી એકવાર ભૂકંપ જેવી સ્થિતિ સર્જાઈ છે. ચાંદીના ભાવમાં પ્રારંભિક સત્રમાં જ અંદાજે 5% (₹14,628) નો તોતિંગ ઘટાડો જોવા મળ્યો હતો. બીજી તરફ સોનાના ભાવમાં પણ શરૂઆતમાં ₹2,675 નો મોટો ઘટાડો નોંધાયો હતો, જોકે નીચલા સ્તરેથી ખરીદી આવતા સોનામાં આંશિક રિકવરી જોવા મળી છે.
જો ચાંદીના જૂના બંધ ભાવની વાત કરીએ તો એમસીએક્સ પર ₹2,43,815 પર પહોંચી ગયો હતો. જ્યારે આજે નવો ભાવ ખુલતાની સાથે ₹2,34,063 ને સ્પર્શ્યો હતો. જોકે થોડીક જ વારમાં આ કડાકો વધીને 229187 પર પહોંચી ગયો હતો. જેના પગલે આજનો ચાંદીનો કુલ કડાકો 5 ટકા જેટલો થઇ ગયો હતો. જે 14628 જેટલો થાય છે. જ્યારે સોનાની વાત કરીએ તો સોનું 152071ના જૂના બંધ ભાવથી આજે કડાકા સાથે જ 149396 પર ખુલ્યું હતું. જેના લીધે આજે સોનામાં 2675 નો કડાકો બોલાઈ ગયો હતો. જેના બાદ સોનામાં રિકવરી આવતા તે 150700 પર ટ્રેડ થઇ રહ્યો હતો અને કડાકો ઘટીને 1371 પર આવી ગયો હતો.
કેમ આવ્યું આ મોટું ગાબડું?
બજારના નિષ્ણાતોના જણાવ્યા અનુસાર, અમેરિકન ડોલર ઇન્ડેક્સમાં મજબૂતી અને પશ્ચિમી દેશોમાં વ્યાજદરો અંગેની અનિશ્ચિતતાને કારણે કિંમતી ધાતુઓ પર દબાણ વધ્યું છે. ચીનના બજારમાં ચાંદીના ભાવમાં આવેલા 15% ના કડાકાની સીધી અસર ભારતીય બજાર પર પડી છે, જેના કારણે અહીં પણ પેનિક સેલિંગ જોવા મળ્યું હતું.
રોકાણકારો માટે શું છે સંકેત?
નોંધનીય છે કે ચાંદીના ભાવ તાજેતરમાં રેકોર્ડ સ્તરે પહોંચ્યા હતા, જ્યાંથી અત્યાર સુધીમાં તેમાં મોટો ઘટાડો જોવા મળ્યો છે. સોનામાં થયેલી રિકવરી એ બાબતનો સંકેત છે કે રોકાણકારો નીચા ભાવે સોનાને સુરક્ષિત રોકાણ (Safe Haven) તરીકે જોઈ રહ્યા છે. જોકે, આગામી દિવસોમાં વોલેટિલિટી (વધઘટ) યથાવત રહેવાની પૂરેપૂરી શક્યતા છે.
