આ પણ વાંચો ટ્રેન્ડિંગ સમાચાર
અમદાવાદ : વર્તમાન નાણાંકીય વર્ષના ત્રીજા ક્વાર્ટરમાં મજબૂત ટ્રેઝરી આવકના જોર જાહેર ક્ષેત્રની બેંકોની નફાકારકતાને ટેકો મળ્યો છે. ટ્રેઝરી ઈન્કમ વધતા નેટ વ્યાજ આવક વૃદ્ધિની મંદીને સરભર કરવામાં મદદ મળી હતી.
સરકારી બોન્ડ યિલ્ડમાં વધારો થવા છતાં, બેંકો રેકોર્ડ ટ્રેઝરી ગેઈન મેળવવામાં સક્ષમ હતી. આઈપીઓમાં ભાગીદારી, કરન્સી સ્વેપમાં ખરીદ/વેચાણ પર કમિશન અને ઓપન માર્કેટ ઓપરેશન્સમાં બિડ ખરીદવા વગેરેના જોરે આ આવક વૃદ્ધિ થઈ હતી.
આ ત્રિમાસિકગાળામાં લોન વૃદ્ધિમાં વધારો થયો છે, પરંતુ ધીમી ડિપોઝિટ વૃદ્ધિએ નેટ ઈન્ટરેસ્ટ ઈન્કમ વૃદ્ધિને મર્યાદિત કરી છે. પોલિસી રેપો રેટમાં કુલ ૧૨૫ બેસિસ પોઈન્ટના ઘટાડા છતાં, નેટ ઈન્ટરેસ્ટ માર્જિન દબાણ હેઠળ રહ્યા હતા.
માર્કેટ એક્સપર્ટસના મતે ૨૦૨૬ના બીજા અને ત્રીજ ક્વાર્ટર દરમિયાન બોન્ડ યિલ્ડમાં વધારો થવાથી મર્યાદિત ટ્રેડિંગ તકો અથવા માર્ક-ટુ-માર્કેટ લાભ જોવા મળ્યો છે.
કેટલીક જાહેર ક્ષેત્રની બેંકોમાં વિવિધ કારણોસર ટ્રેડિંગ લાભ જોવા મળ્યો જેમકે કેનેરા રોબેકો અને કેનેરા એચએસબીસી લાઇફ ઇન્શ્યોરન્સના આઈપીઓ દરમિયાન હિસ્સાના વેચાણને કારણે કેનેરા બેંકમાં ટ્રેડિંગ આવકમાં વધારો જોવા મળ્યો. કેટલીક બેંકોએ આરબીઆઈના ઓપન માર્કેટ ઓપરેશ ખરીદી ઓક્શન હેઠળ તેમના હેલ્ડ-ટુ-મેચ્યોરિટી પોર્ટફોલિયોમાં રાખવામાં આવેલી સિક્યોરિટીઝ વેચવાથી પણ નફો રળ્યો છે.
આરબીઆઈ દ્વારા પોલિસી રેટમાં ૨૫ બેસિસ પોઇન્ટનો ઘટાડો અને લિક્વિડિટીને સરળ બનાવવાના હેતુથી મોટા ઓપન માર્કેટ ઓપરેશન્સની જાહેરાત છતાં ડિસેમ્બરમાં બોન્ડ યિલ્ડ મજબૂત થઈ છે. ત્રિમાસિક ગાળા દરમિયાન બેન્ચમાર્ક ૧૦-વર્ષના સરકારી બોન્ડ યિલ્ડમાં ૨ બેસિસ પોઈન્ટનો નજીવો વધારો થયો છે.
