આ પણ વાંચો ટ્રેન્ડિંગ સમાચાર
Gold News: સોના અને ચાંદીની કિંમતમાં હાલ ભારે ઘટાડો જોવા મળી રહ્યો છે કોમોડિટી બજારમાં મચેલી આ ઉથલપાથલ વચ્ચે ચીન દબાવીને સોનું ખરીદી રહ્યું છે. ચીનની કેન્દ્રીય બેન્ક પીપલ્સ બેન્ક ઓફ ચાઈનાએ જણાવ્યું છે કે, તે સતત 15 મહિનાથી પોતાના સોનાના ભંડારમાં વધારો કરી રહ્યું છે. આર્થિક અનિશ્ચિતાના આ સમયગાળામાં ચીન દ્વારા સોનાની મોટા પાયે ખરીદી કરવીએ રોકાણકારોને અચંબામાં મૂકી રહી છે. આ રણનૈતિક રોકાણ એવા સમયે કરવામાં આવી રહ્યું છે જ્યારે દુનિયાભરમાં તણાવ વધારે તંગ બની રહ્યો છે આર્થિક જોખમ ચરમસીમાએ છે.
ચીનની સોનામાં આક્રમક ખરીદી
પીપલ્સ બેન્ક ઓફ ચાઈના દ્વારા હાલમાં જ જાહેર કરાયેલા આંકડાઓ મુજબ જાન્યુઆરી મહિનામાં ચીને સોનામાં આક્રમક ખરીદી યથાવત રાખી હતી. રોયટર્સના રિપોર્ટ મુજબ જાન્યુઆરીના અંત સુધીમાં ચીન પાસે સોનાની માત્રા કુલ વધી
74.19 મિલિયન ફાઈન ટ્રોય ઔંસ થઈ ગઈ, જે ડિસેમ્બરમાં 74.15 મિલિયન ફાઈન ટ્રોય ઔંસ હતી. માત્ર માત્રા જ નહીં પણ ચીને તેના ગોલ્ડ રિઝર્વમાં પણ ખૂબ જ મોટી છલાંગ લગાવી છે.
શું આવનાર દિવસોમાં સોનું રોકેટ ગતિએ વધશે?
જાન્યુઆરીના અંત સુધીમાં ચીન પાસે 369.58 અરબ ડોલર રૂપિયાનો સોનાનો ભંડાર છે. જે પાછળના મહિનામાં 319.45 અરબ ડોલર જ હતો. આ આંકડા પરથી સ્પષ્ટ થાય છે કે ચીન હાલ સોનામાં વધારે પડતું રોકાણ કરી રહ્યું છે. જેથી રોકાણકારો અંદાજો લગાવી રહ્યા છે કે આવનાર દિવસોમાં ફરી સોનાના ભાવમાં રેકોર્ડ બ્રેક વધારો થઈ શકે છે.
અચાનક રેકોર્ડ હાઈથી 800 ડોલર પ્રતિ ઔંસ ઘટ્યું સોનું
ચીનના સોના મુદ્દે આ વલણના કારણે જ જાન્યુઆરીમાં સોનાની કિંમતો ઐતિહાસિક વધારા સાથે 5600 ડોલર પ્રતિ ઔંસ સુધી પહોંચી ગઈ હતી, પણ આ રેકોર્ડ તેજી સ્થાયી સાબિત થઈ ન હતી, અમેરિકન ફેડરલ રિઝર્વના અધ્યક્ષ સ્થાને કેવિન વાર્શનું નામ ઉછળતા જ બજારે પોતાનો તેજીનો રસ્તો બદલી નાખ્યો છે. જેથી ગોલ્ડની કિંમતોમાં અચાનક ભારે કડકો જોવા મળ્યો. હાલ સોનાની આંતરરાષ્ટ્રીય બજાર કિંમત 4887 પ્રતિ ઔંસ થઈ ગઈ છે.
આ પણ વાંચો: રત્નકલાકારો ખુશખુશાલ! જેમ્સ-ડાયમંડ પર 0% ટેરિફ થતાં ગુજરાતની હીરા બજારોમાં ફરી રોનક આવશે
આંકડા ચોંકાવનારા
રસપ્રદ વાત એ છે જે એક તરફ ચીનની કેન્દ્રીય બેન્ક સોનું જમા કરી રહી છે. બીજી તરફ ચીનના બજારમાંથી ગ્રાહકોના સોના ખરીદી આંકડામાં સતત બીજા વર્ષે ઘટાડો આવ્યો છે. ચાઈના ગોલ્ડ એસોસિએશન મુજબ વર્ષ 2025માં ચીનનો કુલ સોનાનો વપરાશ 3.75 ટકા ઘટીને 950 મેટ્રિક ટન થયો છે.
