આ પણ વાંચો ટ્રેન્ડિંગ સમાચાર
બીસીએ (બરોડા ક્રિકેટ એસોસિએશન) દ્વારા આયોજિત અંડર-૧૪૨સ્વ. ડી.કે. ગાયકવાડ બે દિવસીય ક્રિકેટ ટુર્નામેન્ટની ફાઈનલ મેચ પોલો ગ્રાઉન્ડ ખાતે રમાઈ હતી. ફાઈનલ મુકાબલામાં તાજ એમ.ઈ.એસ. અને દર્શનમ ટીમ વચ્ચે ખરાખરીનો જંગ જામ્યો હતો. અંતે તાજએ ૭ વિકેટે વિજય મેળવી ચેમ્પિયન ટ્રોફીપોતાના નામે નોંધાવી હતી.
આ ટુર્નામેન્ટ દરમિયાન શહેરની ૨૦ જેટલી ટીમો વચ્ચે ૪૮ મેચો રમાઈ હતી. ફાઈનલ મુકાબલામાં દર્શનમ ટીમે પ્રથમ ઈનિંગમાં બેટિંગ કરતા ૧૯૪ રનનો સ્કોર નોંધાવ્યો હતો. જવાબમાં તાજે બેટિંગ કરતાં ૨૧૦૨ન બનાવી મહત્વપૂર્ણ લીડ મેળવી હતી.
બીજી ઈનિંગમાં દર્શનમ ટીમ માત્ર ૫૦ રનમાં ઓલઆઉટ થઈ ગઈ હતી. જીત માટે ૩૫ રનના આસાન લક્ષ્યાંકનો પીછો કરતા તાજે ૩ વિકેટ ગુમાવી લક્ષ્ય હાંસલ કરી ૭ વિકેટે વિજય મેળવ્યો હતો.
મેચમાં મિહિરશાએ ૯૧ રનની દમદાર ઇનિંગ રમી સાથે ૨ વિકેટ ઝડપી ઓલરાઉન્ડ દેખાવ કર્યો હતો, જેના બદલ તેને મેન ઓફ ધ મેચ જાહેર કરાયો હતો. હેમ મિસ્ત્રીએ મેચ દરમિયાન કુલ ૮ વિકેટ ઝડપી, જ્યારે યશ ત્રિવેદીએ ૭ વિકેટ લઈને ટીમની જીતમાં મહત્વપૂર્ણ ફાળો આપ્યો હતો.
