આ પણ વાંચો ટ્રેન્ડિંગ સમાચાર
વડોદરા,ગોત્રી રોડ પર યુ ટર્ન લેતા સમયે બે બાઇક વચ્ચે અકસ્માત થતા એકનું મોત થયું હતું. જ્યારે બે ઇજાગ્રસ્તોને સારવાર માટે હોસ્પિટલમાં લઇ જવામાં આવ્યા છે.
ગોરવા રિફાઇનરી રોડ ઉમેદભાઇ પાર્ક સોસાયટીમાં રહેતા હરેશભાઇ શાંતિલાલ પંડયા ગઇકાલે ઘરેથી બાઇક લઇને તરસાલી મિટિંગમાં જવાનું કહીને નીકળ્યા હતા. તેમની સાથે તેમના મિત્ર દીપકભાઇ કામદાર પણ ગયા હતા. ગોત્રી રોડ પર ડિવાઇડર નજીક યુ ટર્ન લેતા સમયે સામેથી આવતા એક બાઇક ચાલકે અકસ્માત કરતા ત્રણેય રોડ પર ફંગોળાઇને પટકાયા હતા. હરેશભાઇને માથાના ભાગે ગંભીર ઇજા પહોંચાડી હતી. જ્યારે દીપકભાઇકામદારને પણ માથાના પાછળ તથા જમણા હાથ અને ડાબા કાંડા પર ઇજા થઇ હતી. બાઇક ચાલક સ્ટાઇલિશ શ્રીનિવાસ (રહે. શ્રીજી સમૃદ્ધિ, ગોત્રી, સેવાસી રોડ) ને પણ માથાના ભાગે ઇજા થઇ હતી. ત્રણેયને સારવાર માટે ગોત્રી હોસ્પિટલમાં લઇ જવામાં આવ્યા હતા. હરેશભાઇ પંડયાને ગંભીર ઇજા થઇ હોઇ તેઓનો જીવ બચી શક્યો નહતો. ગોત્રી પોલીસે સ્ટાઇલિશ સામે ગુનો દાખલ કરી વધુ તપાસ હાથ ધરી છે.
