આ પણ વાંચો ટ્રેન્ડિંગ સમાચાર
(પીટીઆઇ) ગુવાહાટી, તા. ૧૭
છેલ્લા પાંચ
વર્ષોમાં આસામમાંથી ૩૦૦૦ કરોડ રૃપિયાથી વધુનું ડ્રગ્સ જપ્ત કરવામાં આવ્યું છે અને
૨૪,૦૦૦થી વધુ લોકોની
ધરપકડ કરવામાં આવી છે તેમ આસામના નાણા પ્રધાન અજંતા નિયોગે વિધાનસભામાં જણાવ્યું
હતું.
૨૦૨૬-૨૭નું વચગાળાનું બજેટ રજૂ કરતા અજંતા નિયોગે જણાવ્યું
હતું કે ૨૦૨૧માં હિમંતા બિસ્વા શર્માની સરકાર સત્તામાં આવી ત્યારથી લઇને અત્યાર
સુધીમાં રાજ્યની ૧.૪૫ લાખ વિઘા (૪૮૦૦૦ એકર) જમીન પરનાં ગેરકાયદેસરનાં દબાણો દૂર
કરવામાં આવ્યા છે.
તેમણે બજેટનાં ભાષણમાં જણાવ્યું હતું કે ૨૦૨૧થી અત્યાર
સુધીમાં આસામમાં ડ્રગ્સ સંબધિત ૨૪,૦૦૦
લોકોની ધરપકડ કરવામાં આવી છે અને ૩૦૦૧ કરોડ રૃપિયાથી વધુનું ડ્રગ્સ જપ્ત કરવામાં
આવ્યું છે. આ રકમ ૨૦૧૧ થી ૨૦૧૫માં જપ્ત કરવામાં આવેલ ડ્રગ્સનાં મૂલ્ય કરતા સાત ગણી
વધારે છે.
નિયોગે વધુમાં જણાવ્યું હતું કે અતિક્રમણ સામેની કાયદેસરની
કાર્યવાહીને કારણે આસામ સરકારે ૧.૪૫ લાખ વિઘા સરકારી જમીન પરનાં દબાણો દૂર કર્યા
છે. આ જમીન પર વિકાસનાં કાર્યો હાથ ધરવામાં આવશે.
બાળ વિવાહનાં સામાજિક દૂષણને દૂર કરવા માટે પ્રોહિબિશન ઓફ
ચાઇલ્ડ મેરેજ એક્ટનો કડકપણે અમલ કરવામાં આવી રહ્યો છે. આ માટે સમાજમાં જાગૃતિ
લાવવા માટે સમયાંતરે વિવિધ અભિયાનોનું આયોજન કરવામાં આવી રહ્યું છે.
આસામનાં નાણા પ્રધાને વધુમાં જણાવ્યું હતું કે નવા ક્રિમિનલ
કાયદાઓનો અમલ કરવામાં આસામ દેશમાં પ્રથમ ક્રમે છે. આસામમાં નવા કાયદાઓનાં અમલની
ટકાવારી ૭૮.૧૩ ટકા છે.
