આ પણ વાંચો ટ્રેન્ડિંગ સમાચાર
મુંબઈ : મુંબઈ ઝવેરીબજારમાં આજે સોના- ચાંદીના ભાવમાં તેજી આગળ વધી હતી. વિશ્વબજારના સમાચાર ભાવમાં નવો ઉછાળો બતાવી રહ્યા હતા. વિશ્વબજાર વધતાં ઘરઆંગણે ઈમ્પોર્ટ કોસ્ટ વધી જતાં દેશના ઝવેરીબજારોમાં આજે તેજી આગળ વધી હતી. અમદાવાદ ઝવેરીબજારમાં આજે સોનાના ભાવ ૧૦ ગ્રામના વધુ રૂ.૧૫૦૦ વધ્યા હતા જ્યારે અમદાવાદ ચાંદીના ભાવ કિલોના વધુ રૂ.૫૦૦૦ ઉછળ્યા હતા.
વિશ્વબજારમાં આજે સોનાના ભાવ ઔંશના ૫૧૦૮ વાળા વધી ૫૧૭૬ થઈ ૫૧૪૮થી ૫૧૪૯ ડોલર રહ્યા હતા. ડોલરના વૈશ્વિક ઈન્ડેક્સ ઘટતાં વૈશ્વિક સોનામાં ફંડો એકટીવ ખરીદી કરતા દેખાયા હતા. સોના પાછળ વૈશ્વિક ચાંદીના ભાવ ઔંશના ૮૪.૬૫થી વધી ઉંચામાં ભાવ ૮૭.૮૩ થઈ ૮૬.૪૯થી ૮૬.૫૦ ડોલર રહ્યા હતા.
વૈશ્વિક પ્લેટીનમના ભાવઔંશના ૨૧૫૯થી વધી ૨૨૦૬ થઈ ૨૧૭૫થી ૨૧૭૬ ડોલર રહ્યા હતા. પેલેડીયમના ભાવ ઔંશના ૧૭૪૮થી વધી ૧૭૮૬ થઈ ૧૭૭૨થી ૧૭૭૩ ડોલર રહ્યા હતા. વૈશ્વિક કોપરના ભાવ જોકે આજે ૦.૩૧ ટકા નરમ રહ્યા હતા.
દરમિયાન, અમદાવાદ ઝવેરીબજારમાં આજે સોનાના ભાવ વધી ૯૯૫ના રૂ.૧૬૨૭૦૦ તથા ૯૯૯ના રૂ.૧૬૩૦૦૦ બોલાયા હતા જ્યારે અમદાવાદ ચાંદીના ભાવ વધી રૂ.૨૬૦૦૦૦ બોલાયા હતા.
દરમિયાન, મુંબઈ બુલીયન બજારમાં આજે સોનાના ભાવ જીએસટી વગર વધી રૂ.૧૫૭૭૯૪ થઈ રૂ.૧૫૭૫૮૬ રહ્યા હતા જ્યારે ૯૯૯ના ભાવ વધી રૂ.૧૫૮૯૨૮ થઈ રૂ.૧૫૮૨૨૦ રહ્યા હતા. મુંબઈ ચાંદીના ભાવ જીએસટી વગર વધી રૂ.૨૬૪૦૭૫ રહ્યા હતા.
મુંબઈ સોના ચાંદીમાં જીએસટી સાથેના ભાવ આ ભાવથી ત્રણ ટકા ઉંચા રહ્યા હતા. મુંબઈ બજારમાં પ્લેટીનમના ભાવ વધી ૧૦ ગ્રામના રૂ.૬૬૧૭૦ રહ્યા હતા. દરમિયાન, વિશ્વબજારમાં ક્રૂડતેલના ભાવ આજે બેતરફી ચાલ દેખાઈ હતી. બ્રેન્ટક્રૂડના ભાવ બેરલના નીચામાં ૭૦.૬૯ થઈ ફરી ભાવ ૭૧.૭૯ થઈ ૭૧.૭૫ ડોલર રહ્યા હતા. જ્યારે યુએસ ક્રૂડના ભાવ નીચામાં ૬૫.૩૮ થઈ ઉંચામાં ભાવ ૬૬.૫૨ થઈ ૬૬.૪૭ ડોલર રહ્યા હતા. ઈરાન તથા અમેરિકા વચ્ચે વાટાઘાટો પર બજારની નજર હતી.
