આજે વિશ્વ કેન્સર દિવસ : ભાવનગરમાં એક વર્ષમાં કેન્સરના દર્દીઓમાં 63 ટકાનો વધારો | Today is World Canc…

– વર્ષ-2025 માં ભાવનગર કેન્સર કેસ હોસ્પિટલમાં રોજ સરેરાશ 37 દર્દીઓની ઓપીડી

– વર્ષ-2024 માં 8388 કેન્સરના દર્દીઓ નોંધાયા હતા, વર્ષ- 2025 માં વધીને 13680 કેન્સરના દર્દીઓ થયાં

ભાવનગર : કેન્સર જેવા જીવલેણ રોગ વિશે લોકોમાં જાગૃતિ લાવવા માટે યુનાઈટેડ નેશન્સ દ્વારા ૪ ફેબુ્રઆરીના રોજ વિશ્વ કેન્સર દિવસ તરીકે મનાવવામાં આવે છે. સમગ્ર વિશ્વમાં કેન્સરના રોગનું પ્રમાણ ચિંતાજનક રીતે વધી રહ્યું છે. ભાવનગરમાં પણ કેન્સરના દર્દીઓમાં વધારો જોવા મળી રહ્યો છે. સર ટી.હોસ્પિટલ કેમ્પસમાં આવેલી ભાવનગર કેન્સર કેર હોસ્પિટલમાં સરવાર માટે આવતા કેન્સરના દર્દીઓના આંકડાઓ પ્રમાણે વર્ષ-૨૦૨૪ની સરખામણીએ વર્ષ-૨૦૨૫માં કેન્સરના દર્દીઓમાં ૬૩ ટકાનો વધારો થયો છે. વર્ષ-૨૦૨૫માં રોજ સરેરાશ ૩૭ દર્દીની ઓપીડી થઈ છે.

યુનાઈટેડ નેશન્સ દ્વારા કેન્સર જેવા જીવલેણ રોગ અંગે લોકોમાં જાગૃતિ આવે તેવા હેતુથી દર વર્ષે ૪ ફેબુ્રઆરીના રોજ વિશ્વ કેન્સર દિવસની ઉજવણી કરવામાં આવે છે. સમગ્ર વિશ્વમાં કેન્સરના રોગનું પ્રમાણ વધી રહ્યું છે. ભાવનગરમાં પણ કેન્સરના દર્દીઓમાં વધારો જોવા મળી રહ્યો છે. અગાઉ ભાવનગરમાં કેન્સર હોસ્પિટલ કાર્યરત નહોતી ત્યારે ભાવનગરથી કેન્સરના દર્દીઓને ગુજરાત કેન્સર રિસર્ચ ઈન્સ્ટીટયુટ અમદાવાદ ખાતે સારવાર માટે જવું પડતું હતું. પરંતુ લોકોની માંગણી બાદ ભાવનગરની સર ટી.હોસ્પિટલના કેમ્પસમાં નિર્માણ પામેલી ભાવનગર કેન્સર કેર હોસ્પટલમાં કેન્સરના દર્દીઓની સારવાર થાય છે. ભાવનગર કેન્સર કેર હોસ્પટલના આંકડાઓ પ્રમાણે વર્ષ-૨૦૨૪માં ૯૪૩ નવા મળી કુલ ૮૩૮૮ કેન્સરના દર્દીઓની ઓપીડી થઈ છે. જ્યારે વર્ષ-૨૦૨૫ દરમિયાન કેન્સરના નવા ૧૨૭૯ દર્દી મળી કુલ ૧૩,૬૮૦ દર્દીઓની ઓપીડી થઈ છે. આમ, એક વર્ષમાં ભાવનગરમાં કેન્સરના દર્દીઓમાં ૬૩ ટકાનો વધારો થયો છે. કેન્સરના દર્દીઓની ઓપીડીના આંકડાઓ પ્રમાણે વર્ષ-૨૦૨૫ દરમિયાન સૌથી વધારે ડિસેમ્બર-૨૦૨૫માં ૧૩૮૮ દર્દીઓની ઓપીડી થઈ જ્યારે સૌથી ઓછી એપ્રીલ-૨૦૨૫માં ૮૮૯ દર્દીઓની ઓપીડી થઈ છે. તેમજ ગત વર્ષ દરમિયાન કેન્સરના ૪૭૮ દર્દીઓને રેડિયો થેરેપી અને ૨૩૦૬ દર્દીઓને કીમોથેરેપી અને કેન્સરની ૫૨૫ માઈનોર અને ૧૦૩ મેજર મળી કુલ ૬૨૮ સર્જરીઓ થઈ છે.

કેન્સર હોસ્પિટલમાં બે વર્ષ દરમિયાન સારવાર લેનારા દર્દીઓ