આ પણ વાંચો ટ્રેન્ડિંગ સમાચાર
Surat Municipal Corporation: સુરતમાં ઓકટ્રોય નાબુદી બાદ વિવિધ વેરા પાલિકાની આવકનો સ્ત્રોત છે તેની સાથે સાથે સુરતમાં છેલ્લા પાંચ વર્ષની વાત કરવામા આવે તો પાલિકાની પેઈડ એફ.એસ.આઈ.ની આવક 4068 કરોડને પાર કરી ગઈ છે. આ વર્ષે ગઈકાલ સુધી 807 કરોડની પેઈડ એફ આઈ ની આવક છે તે નાણાકીય વર્ષ પુરા થાય ત્યાં સુધીમાં એક હજાર કરોડ ને પાર થઈ જશે.
સુરત મહાનગરપાલિકા છેલ્લા ત્રણ વર્ષથી દસ હજાર કરોડથી વધુનું બજેટ જાહેર કરે છે તેમાં આવકના સ્ત્રોતમાં વેરા સાથે સાથે છેલ્લા ત્રણ વર્ષથી પેઈડ એફ.એસ.આઈ.ની આવક એક હજાર કરોડ થઈ રહી છે. તેમાં પણ વર્ષ 2021-22માં પેઈડ એફ.એસ.આઈ.ની આવક 513.34 કરોડ હતી પરંતુ ત્યાર બાદ તેમાં સતત વધારો થતો હોવા મળ્યો છે. 2022-23માં આ આવક 615.32 કરોડ હતી પરંતુ ત્યાર બાદ વર્ષ 2023-24 થી આજ સુધી છેલ્લા ત્રણ વર્ષમાં એક હજાર કરોડ ને પાર થઈ ગઈ છે. આ વર્ષે 15 ફેબ્રુઆરી સુધીમાં પેઈડ એફ.એસ.આઈ.ની આવક 807.79 કરોડ છે પરંતુ હજી દોઢ મહિના જેટલો સમય નાણાકીય વર્ષ પુરો થવામાં છે તેથી ગત વર્ષની જેમ આ પેઈડ એફ એસ આઈ ની આવક 1100 કરોડને પાર કરી જાય તેવો અંદાજ થઈ રહ્યાં છે.
છેલ્લા પાંચ વર્ષની વાત કરવામા આવે તો પાલિકાની તિજોરીમાં પેઈડ એફ.એસ.આઈ. પેટે 4068.11 કરોડ જમા થઈ ગયા છે અને હજી તેમાં 200 કરોડનો વધારો થાય તેવી શક્યતા પૂરેપૂરી છે.
સુરત પાલિકામાં પેઈડ એફ.એસ.આઈ. ઉપરાંત વિકાસ પરવાનગી અને બીયુ પરવાનગીની સંખ્યા પણ નોંધપાત્ર જોવા મળી રહી છે. વર્ષ 2021-22 ની વાત કરવામા આવે તો સુરતમાં 2663 વિકાસ પરવાનગી આપવામાં આવી હતી. જેમાં સતત વધારો થઈ રહ્યો છે અને ગત વર્ષે 7752 વિકાસ પરવાનગી આપવામા આવી છે. ગઈ કાલ સુધીમાં 7239 વિકાસ પરવાનગી અપાઈ છે અને તેમાં હજી પણ વધારો થશે.
આવી જ રીતે વર્ષ 2021-22માં 261 બીયુ પરમીશન આપવામા આવી હતી જે ગત વર્ષે વધીને 315 થઈ હતી. આ વર્ષે પણ મોટા પ્રોજેક્ટ માટે 283 બીયુ પરમીશન આપી દેવામાં આવી છે અને નાણાકીય વર્ષ પુરું થવામાં દોઢ મહિનો બાકી છે ત્યારે મોટા પ્રોજેક્ટ માટે બીયુ પરમીશન નો આંકડો પણ મોટો થશે તે સ્વાભાવિક છે.
આ આંકડાએ સુરતમાં રિયલ એસ્ટેટમાં મંદી છે તેવી વાતનો ફુગ્ગો ફોડી નાખ્યો છે.
