આ પણ વાંચો ટ્રેન્ડિંગ સમાચાર
India AI Impact Summit 2026 : ભારત વિશ્વના સૌથી પ્રતિષ્ઠિત અને મહત્વપૂર્ણ આર્ટિફિશિયલ ઇન્ટેલિજન્સ (AI) સંમેલનનું યજમાન બનવા જઈ રહ્યું છે. ‘India AI Impact Summit 2026’ આગામી 16 ફેબ્રુઆરીથી 20 ફેબ્રુઆરી દરમિયાન નવી દિલ્હીના પ્રતિષ્ઠિત ભારત મંડપમ ખાતે યોજાશે. આ પાંચ દિવસીય કાર્યક્રમમાં ભારત પોતાની ‘સોવરિન AI’ વ્યૂહરચના અને ગ્લોબલ AI ગવર્નન્સમાં પોતાની ભૂમિકા વિશ્વ સમક્ષ રજૂ કરશે.
વિશ્વના 100થી વધુ દેશોની સહભાગીતા
આ સમિટની ભવ્યતાનો અંદાજ એ વાત પરથી લગાવી શકાય છે કે, તેમાં 100થી વધુ દેશોના ડેલિગેશન ભાગ લેશે. જેમાં 15 થી 20 દેશોના રાષ્ટ્રીયાધ્યક્ષો (રાષ્ટ્રપતિ, વડાપ્રધાન), 50 થી વધુ મંત્રીઓ અને વિશ્વની અગ્રણી ટેક કંપનીઓના 50 થી વધુ CEO હાજરી આપવાના છે.
કોણ-કોણ લેશે ભાગ?
સિલિકોન વેલીના દિગ્ગજોથી લઈને ભારતીય ઉદ્યોગ સાહસિકો આ કાર્યક્રમમાં એક મંચ પર જોવા મળશે. જેમાં ભારતીય ટેક નિષ્ણાંતો ઉપરાંત વિદેશની દિગ્ગજ કંપનીઓનાં ઉચ્ચ અધિકારીઓ પણ હાજરી આપશે. મુળ ભારતીય અને ગુગલનાં સીઇઓ સુંદર પિચાઇથી માંડી અનેક દિગ્ગજ હસ્તીઓ આ કાર્યક્રમમાં હાજરી આપશે.
સુંદર પિચાઈ: CEO, Google
સેમ ઓલ્ટમેન: CEO, OpenAI
જેન્સન હુઆંગ: CEO, Nvidia
ડેમિસ હસાબિસ: CEO, DeepMind
ડારિયો અમોડેઈ: CEO, Anthropic
બ્રેડ સ્મિથ: પ્રેસિડેન્ટ, Microsoft
યાન લેકુન: ચીફ AI સાયન્ટિસ્ટ, Meta
700થી વધુ સેશન અને ખાસ એજન્ડા
આ ઇવેન્ટમાં કુલ 700 થી વધુ સત્રો યોજાશે, જેમાં AI સેફ્ટી, ગવર્નન્સ, ડેટા પ્રોટેક્શન, એથિકલ ફ્રેમવર્ક અને આર્થિક વિકાસમાં AI ના ઉપયોગ પર ચર્ચાઓ થશે. સમિટ દરમિયાન 16-17 ફેબ્રુઆરીએ ‘AI રિસ્પોન્સિબિલિટી પ્લેજ’ (AI જવાબદારીના શપથ) અભિયાન હેઠળ ગિનિસ વર્લ્ડ રેકોર્ડ બનાવવાનો પણ પ્રયાસ કરવામાં આવશે.
કેવી રીતે કરવું રજીસ્ટ્રેશન?
સામાન્ય નાગરિકો અને ડેલિગેટ્સ સત્તાવાર વેબસાઇટ impact.indiaai.gov.in પર જઈને ‘Register Now’ વિકલ્પ દ્વારા પોતાની વિગતો ભરીને આ ઐતિહાસિક ઇવેન્ટનો ભાગ બની શકે છે.
